鄭俊弘跪地拜巫啟賢為師

無綫藝員鄭俊弘(Fred)因參加《星夢傳奇》而一鳴驚人,佢曾經喺出名畀分數畀得好手緊嘅巫啟賢手上,拎過90分,Fred仲被巫Sir獲邀擔任佢演唱會嘉賓,噚晚Fred終於夢想成真,喺巫啟賢個唱演出,兩人先合唱《夜夜夜夜》,接住Fred再獨唱《Angels》,台下反應熱烈。

之後Fred喺台上突然跪低拜師:「巫老師,可唔可以收我做徒弟?」對於Fred突如其來舉動,巫Sir都甚感愕然,佢仲眼濕濕話:「男仔跪好難,我受唔起。」

巫Sir原本想扶起Fred,但佢要巫Sir答應先肯起身,巫Sir就話:「責任好大,關乎你將來,你信唔信我?你襟唔襟鬧?我好惡。」鄭俊弘即答:「我信你,炳都得。」巫啟賢笑着答應:「咁要去後台傾吓抽佣問題。」Fred又話將來拍拖,都會畀師父過目。

Fred拜師學藝固然欣喜,但佢仲參加緊《星夢傳奇》,而巫Sir亦應承會再擔任節目評判,兩師徒到時同場(若然Fred未被淘汰的話),又會唔會惹起話題呢?

鄭俊弘跪地拜巫啟賢為師
鄭俊弘拜師成功,開心到不得了。

鄭俊弘跪地拜巫啟賢為師
巫啟賢同囡囡同台演出。

鄭俊弘跪地拜巫啟賢為師
巫啟賢自彈自唱。


巫sir好落力


囡囡都好俾心機

鄭俊弘跪地拜巫啟賢為師
鄭俊弘得償所願,擔任巫啟賢個唱嘉賓。

鄭俊弘跪地拜巫啟賢為師
Fred突然跪地拜師,令巫sir大感愕然。


巫sir應承收佢為徒,鄭俊弘當然開心啦。

鄭俊弘跪地拜巫啟賢為師
佢又影得珍貴大場面呀