高海寧（高Ling）在無綫劇《法網狙擊》的被姦戲一直被宅男Fans期待，但昨晚播出時她的「大玉背」離奇失蹤。今晚在法庭上再以回憶方式播出，無綫絕對有「斬件」谷收視之嫌，實在令宅男粉絲慾火熄滅，大感失望！不少網友指寧願睇陳煒其後的泳裝激咀戲。高Ling受訪時坦言有收看昨晚那一集，更邊睇邊喊，她說：「睇嘅時候我好緊張，個心跳得好快，嗰種傷心嘅感受一次過湧晒出嚟！」
對於強姦戲被「斬件」播出，明顯想谷收視，高Ling表示此乃劇情需要：「咁樣剪輯我覺得好正常。（宅男Fans唔夠喉！）咁佢哋期望太高啫！」
而過檔無綫的陳煒穿比堅尼與郭政鴻的激咀戲，將於本月18日播出，她在電話中說：「自己拍時好舒服，都希望會為劇集帶來高收視。」
監製：唔sell色情
有網友狠批高海寧遭強姦的戲份，《法網狙擊》監製文偉鴻再度重申該集並非賣弄色情：「我哋係sell高海寧係莘莘學子，遇到呢個不幸都堅強面對，尋晚庭上辯方律師郭政鴻仲不斷抹黑佢，佢都依然堅強面對！（觀眾失望？）唔係單睇呢啲場面，我睇完有上番baby kingdom個網，啲媽咪不但冇抗拒，仲反而支持高海寧，讚佢做得好，佢哋先係真係睇緊戲。」
此外，該劇現時平均收視27點，至於有網友稱期待陳煒的性感演出，文偉鴻謂：「嗰場戲只係講陳煒耍手段，令郭政鴻對佢死心塌地，觀眾滿唔滿足，真係因個人而異。」