傅穎今日現身書展舉行簽名會，宣傳佢嗰本手畫繪本，吸引逾百粉絲撐場。有段時間冇喺香港露面嘅傅穎，嗰樣又好似唔同咗，再惹來變臉疑雲，尤其係雙眼大咗﹑鼻高咗﹑塊面膠咗，下巴尖咗好多。不過傅穎就大方話俾人任摸下巴：「你哋任摸，知自己唔滿意下巴，太平，多謝大家關心讚我靚，自己都想出自家化妝品牌。」

咁係咪抗拒整容？傅穎就話唔抗拒大家整容，佢話：「自己微整形都OK，但就驚打針郁唔到點做戲，開刀太有風險。」咁有冇接受打針美容？佢就話：「針有打過（指普通醫病打針療程）。」

另外，傅穎簽名攤位同過氣密友何韻詩嘅大愛同盟簽名會，只有幾步之隔，原本傅穎接受記者提議，親手送書俾阿詩，點知阿詩同黃耀明要做訪問，阿詩助手就幫手接過傅穎新書，慘食檸檬，不過阿詩完成簽名會後，亦大方為傅穎撐場，仲接過對方新書添。

冇見一排，傅穎個樣又唔同咗，眼大鼻高下巴尖，但佢就歡迎下巴任摸喎﹗

又要起歌：尖…尖尖尖

這個真的是傅穎嗎？

逾百粉絲撐場。

好姊妹楊愛瑾前來交換著作。

兩女仲攬頭攬頸。

何韻詩都撐呀﹗

呢張係二月時的傅穎。（微博圖片）