福山雅治自爆是宅男 明早參觀電視城

福山雅治自爆係宅男 愛食廣東菜

「二佬」福山雅治噚日首度來港,今日就頻撲出席活動,為新戲《神探伽俐略2:真夏方程式》宣傳。下午福山出席喺天際100舉行嘅記者會,逾百傳媒到場採訪。福山話聽聞過天際100會受天氣影響,未必能睇到優美景色,好彩今日天公總算造美,令佢覺得好開心﹗

福山又對廣東菜有讚無彈,佢話噚晚抵港後,三餐都係食廣東菜,佢仲讚廣東菜細緻兼多元化,相當好食﹗福山自爆同「湯川學」一樣都係宅男一名,佢亦係對鍾意嘅事會表現沉迷,佢試過為咗搵結他資料,而上網摷咗一整日﹗

福山雅治自爆是宅男 明早參觀電視城
福山雅治今午出席記者會時,表情多多,時而沉鬱,時而微笑,大家暈未?﹗

福山雅治自爆是宅男 明早參觀電視城
「二佬」好靚仔呀﹗

福山雅治自爆是宅男 明早參觀電視城
福山雅治自稱係宅男。

福山雅治自爆是宅男 明早參觀電視城
福山雅治(左)大讚廣東菜好食。

福山雅治自爆是宅男 明早參觀電視城
鞠躬答謝

逾千粉絲迫爆首映禮 福山為獅頭點睛

福山雅治對獅頭造勢大表好奇,佢仲幫獅頭點睛。
福山雅治對獅頭造勢大表好奇,佢仲幫獅頭點睛。

福山雅治今晚盛裝出席新片《神探伽俐略2:真夏方程式》嘅香港首映禮,佢仲喺海港城露天廣場行紅地毯,真係型到裂﹗福山才華又靚仔,逾千名粉絲聞風而至,雖然今日熱到爆,但不減粉絲熱情,齊齊迫爆現場一睹「伽俐略」風采。

晚上七點二十分,福山終於逾千粉絲簇擁下出場,雖然紅地毯條路唔算長,但福山不時跟粉絲揮手,又要向攝影機講兩句,表現親民,結果花咗七分鐘先上到台。大會安排兩頭醒獅造勢,福山對呢樣嘢覺得好奇,佢仲不時擺chok爆甫士,佢仲親自為獅頭點睛。

福山以廣東話「大家好」打招呼,接着佢又以日文話:「我是福山雅治,初次來香港,今日多多指教。」問佢今次拍《伽俐略》有乜嘢新鮮經歷時,福山就識做賣口乖:「首次來港和大家見面,看見香港fans這麼熱情支持,令我有個難忘晚上。」

咁福山幾時來港開騷?佢就話:「見大家如此熱情,希望可短期內便來演出,沒可能不來!」

福山演嘅湯川學深入民心,問到有冇諗過「湯川學」會有戀情甚至結婚?抑或係繼續做宅男呢?福山就醒目地將個決定權交畀香港Fans﹗

福山雅治自爆是宅男 明早參觀電視城
福山魅力沒法擋﹗


祝新戲票房大收﹗


Chok到爆﹗


福山表現親民一面。


逾千粉絲迫爆會場。


洪金寶都有嚟﹗

預告! 福山雅治明早參觀電視城

今日型男福山雅治一連出席兩個活動,先係下午嘅記者會,再嚟晚上於海港城舉行記招。聽朝早,福山雅治仲會參觀電視城——不過,真係一大朝早九點半現身,伴遊有港姐冠軍張名雅同最上鏡小姐岑杏賢……

唔……。目標應該好明確的。

福山雅治自爆是宅男 明早參觀電視城

睇《真夏方程式》之前必睇


繼續都係福山雅治。Q&A。全部都係今日記招精采片段,福山迷必讀,伽俐略fans,更加要讀!

真係好憎小朋友?
Q1:喺《真夏之方程式》片中,福山跟童星不乏對手戲,但福山飾演嘅湯川教授又唔鍾意小朋友,到底福山本人係咪好憎小朋友?
A1:「平時我都甚少機會接觸到小朋友,而這角色一直都不愛細路,令我也覺得人們會誤解我本身並不喜歡小孩子!但其實我和那位小演員,其實都有獨特的溝通方法。」
「那童星只得9歲,很多事情上都很懂事,亦明白拍攝現場的氣氛,演技不賴!所以合作起來並沒難度。」

喜歡柴崎幸定係吉高由里子?
Q2:福山同兩位女星柴崎幸、吉高由里子所飾演嘅女警角色,有乜嘢特別印象?(作為女性觀眾,真係好難愛上吉高由里子!!!)
A2:「我覺得柴崎幸所演的內海薰比較成熟一點,可以自行思考,而吉高的岸谷美砂則年輕點,對伽俐略而言內海是較易溝通,對比下岸谷則較有幹勁。」

東野圭吾說:「我寫不出了!」
Q3:究竟已拍成兩季及兩齣電影的《神探伽俐略》,福山仲想唔想拍落去?
A3:「我很喜歡意這個角色,當然很想再演下去,但都要視乎小說原作者東野圭吾肯不肯寫故事。之前拍完電影和劇集後,我們有個慶功派對,當時我遇上東野圭吾,便跟他講我想繼續拍這個故事,怎料東野回答『我寫不出了!因為涉及太多案件,短期內我都寫不出來』。」

究竟湯川學係咪真係鍾意女人?
Q4:劇中湯川學嘅口頭蟬係「我不明到底發生了甚麼事」,到底整個系列中,福山最不明白係乜?
A4:「我不明導演既然設定了湯川喜歡美人,但對着柴崎幸或杏所飾演的女角,居然無動於衷!大概兩女也不是他喜歡的類型吧?我也很想知道湯川最愛是哪種類型!」

正面思想抗衰老
Q5:型佬福山好似食咗防腐劑咁,到底有乜嘢秘方?
A5:「一定要爭取時間休息,因為睡眠很重要,還有思想要正要一點,雖然總會遇上問題,但我不會去想無法解決的事情,每日都用正面的思想去面對,那便能好好保養了!」