榮升第二任父親的羅嘉良，早前經歷喪父之痛，本月初為父舉行喪禮時，還被報道指他遲到及找來前妻幫忙打點，近日還有報指羅嘉良為哄妻子蘇巖，向前妻增加每月贍養費，求造出兩家人相處融洽的形象，另外，還有指蘇巖來港產女住私人醫院花費30萬，而羅父患病時只住在公營醫院。 就近期的負面報道，羅嘉良今天發出聲明作出澄清，指報導內容歪曲事實，讓他心感憤怒，並嚴重損害了他和家人，並謂已把事件交由律師跟進。

壹週刊

聲明內容如下

致 各大傳媒﹕

聲明

就近日本人羅嘉良(以下簡稱“本人”)家父去世一事，被某週刊利用作頭版廣泛報導(以下簡稱“該報導”)，該報導的內容歪曲事實，本人對此心感憤怒；該週刊更利用本人家父去世一事大做文章，其行徑實屬可恥，而且該行為已傷害本人及本人的所有家人。 就該報導引起各媒體之關注，本人深感遺憾。本人之家事只想低調處理，以保護本人的所有家人及遠離滋擾。本人現嚴正聲明，有關該報導之言論，實屬無稽之談，並嚴重損害本人及我的家人。有關上述事件，本人已交由律師跟進。若任何個人或團體刋登、報導或轉載該報導，本人將毫不猶疑地立刻採取法律行動，以正視聽。

特此聲明

羅嘉良先生
2013年5月9日

前妻維護羅嘉良: 贍養費加咗一倍

方敏儀同撈家雖然此情不再，但保持友好關係。

近期羅嘉良(撈家)被指不孝，連父親設靈都唔到，又被指加碼贍養費，利誘前妻方敏儀同現任妻子蘇岩扮friend，不過今日就有報道訪問方敏儀，佢極力維護前夫，話贍養費仲加咗一倍。

講到羅爸爸設靈，撈家都冇到，方敏儀表示當年撈家爺爺過身，羅嘉良爸爸都要工作冇去守夜，都係撈家擔幡買水，今次羅爸爸過身，撈家都係有工作在身，唔係唔想嚟，所以屋企人都明白。

而撈家又被指不孝，冇轉羅爸爸去私家醫院，方敏儀話:「農曆新年後，爺爺(指前老爺)入咗浸會成舍月，後來見情況穩定，至轉去公立醫院，因為想安排爺爺去療養院，但未等到，爺爺就月中走咗。」而住浸會嘅使費，埋單要七十萬，都係撈家畀。

講到有傳撈家為氹蘇岩，每月加八千蚊方敏儀要佢見蘇岩，方敏儀就話荒謬，佢話:「佢見個仔升中學，學費貴，都主動加一倍(贍養費)俾我。」不過佢就唔肯講實數幾多，佢覺得撈家剛生女，開支都大，盡能力就ok。

方敏儀最後話，有啲嘢咁多年佢放低咗，冇愛情都有感情，同撈家保持好嘅關係，對個仔嚟講係最好。