提起高鈞賢，大家可能淨係記得佢係第一屆「香港先生」之外，對佢嘅印象都非常模糊，可能比較有印象嘅話會係參與劇集《肥田囍事》飾演胡杏兒「男神」，代表作欠奉；對比起另一位「香港先生」黃長興，後者周不時獲無綫安排角色發揮演技，更顯得高鈞賢相形見拙。

可能高鈞賢亦深明「前世做錯事，今世做電視」道理，自己亦都有開車房、開藝術學校。不過，留喺無綫成9年，一直都係行行企企，高鈞賢周不時都喺微博表心聲，上一次更喺微博上載操肌相，並話「Getting ready for a new beginning」。

今日（9月9日），高鈞賢喺微博就宣佈同大台結束9年情，呢位「香港先生」話：「從一張白紙什麼都不懂在加拿大發了個夢。二十歲自己跑來香港，一個不熟識的地方。謝謝TVB給我這個夢想， 也是我第一份工。在九年很多都嘗試過， 寶貴的經驗和機會令我成長了。 很不捨得但現在是我人生最重要的階段，也是個好開始， 所以決定去挑戰新方向和嘗試， 繼續我的理想。」

唔通過韓國做韓星？