拒林宥嘉拆禮物 鄧紫棋出招電暈馮允謙

慘遭舊愛劈腿,台灣奀星丁文琪介入戀情,去年初 G.E.M.鄧紫琪同林宥嘉結束三年情後, dry足成年。

上週五,林宥嘉失驚無神在 fb發表愛的宣言,自去年 3月踢爆劈腿後,林宥嘉首次承認姊弟戀;同晚 G.E.M.亦出招,自爆同巨聲幫馮允謙到嘉年華玩到腎上腺素飆升!

據悉, G.E.M.單身後勤返教會,教友馮允謙近水樓台兼誠意打動,兩人越行越埋隨時撻著。最重要係,虔誠 G.E.M.話明第一次要留俾基督徒老公,林宥嘉冇緣拆嘅「禮物」,仲唔係留俾馮允謙?

拒林宥嘉拆禮物  G.E.M.貪馮允謙夠純收兵
單身一年,同教友馮允謙越行越埋, G.E.M.話「期待新戀情」, Jay亦唔排除會發展:「夾就嚟啦!」。

國際 G.E.M.真係易叫唔易做!去年初參加完內地真人騷《我是歌手 2》, G.E.M.一夜爆紅,亦開始是非纏身。先俾舊愛林宥嘉擘腿,再傳耍大牌兼自造緋聞,一時又傳出淫相、一時又話被封殺,人生最低潮, G.E.M.自稱要勤返教會尋求慰藉,估唔到卻遇著神心又殷勤嘅弟兄馮允謙。

拒林宥嘉拆禮物  GEM.貪馮允謙夠純收兵
口罩勁玩示威

拒林宥嘉拆禮物 鄧紫棋出招電暈馮允謙
前度向新歡示愛同日, G.E.M.與馮允謙結伴遊嘉年華疑似自爆新戀情,事後兩人均借口:「大班朋友一齊去」否認撻着。

拒林宥嘉拆禮物 鄧紫棋出招電暈馮允謙
前度拖新女

拒林宥嘉拆禮物 鄧紫棋出招電暈馮允謙
去年初死口唔認因為小三丁文琪介入撇甩 G.E.M.,上週五(6日),林宥嘉終於都認姊弟戀。

主動拎電話


G.E.M.自幼已經係基督徒,在圈中教徒圈子亦相當活躍,曾經便被拍到與教友鍾舒漫同返教會。

上週五(6日), G.E.M.在 ig貼相,難得有假竟然賣甩閨蜜李蘊同超蓮,約埋班教友去冬日嘉年華,相中 G.E.M.同一名男子齊齊戴口罩,有網民精明眼認出馮允謙。

雖然事後男女雙方口吻一致:「只係朋友,約埋大班朋友一齊玩!」係就係大班朋友,不過張張相都係 Jay同 G.E.M.坐最埋,塊面幾乎貼埋添!伴遊相一出,有指 G.E.M.借 Jay過橋激前度,但原來 G.E.M.同 Jay互動密切過普通朋友多多聲!其實早於 11年馮允謙參賽《超級巨聲3》, G.E.M.已經公開點名讚完又讚「我最看好的歌手!」、「 You are a star!」有指《巨聲》後, G.E.M.更主動四圍問馮允謙電話。本來純屬同行音樂交流,到近半年則因為份屬同一教會跨進一大步,甚至同 G.E.M.一眾閨蜜同一待遇,獲邀往其荃灣 2000呎豪宅開餐,真正「入屋」!

第一次要留俾老公

係人都知 G.E.M.信基督信得好虔誠,甚至自爆堅守處女之身等新婚之夜送給老公。當年同林宥嘉打得火熱時,接受專訪依然話「禮物」未拆得,


同馮允謙渡過難得假期,閨蜜李蘊都投訴:「我嬲佢去嘉年華都冇叫我同超蓮囉!」

4年前欣賞帶埋入廚房


讚上天
11年馮允謙參加《巨聲 3》初亮相, G.E.M.已經對 Jay讚完又讚。


有交流
12年錄影無綫《 Music Café》, G.E.M.力邀 Jay做嘉賓,當年已經有私交。


陪切餅
14年 G.E.M.慶祝 23歲生日,馮允謙首次亮相私家派對。


入閨房
上月尾馮允謙上載刺身飯圖片,同 G.E.M.用埋同一張相,用餐地點更是 G.E.M.香閨廚房,正式入屋。

曾經甜蜜過

肉麻示愛扶正小三丁文琪,文藝腔林宥嘉其實當年剛剛撻著 G.E.M.時亦肉麻過。

當 G.E.M.說:「第一次應該係送俾未來老公嘅一份禮物,所以相對戀愛,結婚至顯得神聖得多。我希望未來老公都係基督徒,同我一樣珍惜第一次,當作係一份禮物!」講到咁明,撇除劈腿玩消失,舊愛 Yoga未信主已經唔合乎拆禮物資格。上次情傷大受打擊,加埋半年來是非纏身,大忙人 G.E.M.雖然長年不在港,但每逢留港返教會是指定動作。最脆弱之時,遇上純情又熱心教會弟兄馮允謙,宗教、音樂、理想,連玩玩食食都啱嘴型,隨時撻著!

G.E.M.:「好想拍拖!」

為咗鞏固國際地位, G.E.M.世界巡迴演唱會行程排得密麻麻,始終得 23歲女, G.E.M.坦然渴望愛情,又首次剖白已經對前度沒有怨恨:「唔使擔心,我冇再嬲(前度),一早已經走咗出嚟!我都好想拍拖,想識多啲人,不過未遇到啫。我想第時嘅男朋友成熟、有擔當、識保護我同埋有幽默感,同埋真係唔想再係異地戀。我要周圍飛,難得返屋企都見唔到佢,真係唔知點維繫!」橫睇掂睇,馮允謙都啱晒 G.E.M要求喎!

眼看手勿動

同王君馨、李亞男一樣係教友,一樣話想留低「禮物」俾未來老公新婚之夜拆。雖然睇「禮物」睇得好緊,不過 G.E.M.間中都識得露一手 32D好身材,提提你:等得過架!

講耶穌啱嘴形

懷春 G.E.M.話揀老公最好係基督徒,其實圈中唔少情侶甚至夫婦都係基督徒,除就快拉埋天窗的王祖藍及李亞男、張晉及蔡少芬、黃貫中及朱茵外,原來許志安為完成鄭秀文要嫁基督徒的心願,一早受洗信耶穌,唔通信主特別啱嘴形?