「唔知幾時再有個角色，做番真啲嘅自己。」這是由藍戰士變藍爵士的單立文（豹哥）心底話。因為西門慶的關係，豹哥自動被歸納為奸人猥瑣一族，無論是電影抑或電視，飾演的角色大多脫離不了這個框框，作為演員，演出千篇一律的角色難免失去衝勁，或許因為這原因，豹哥近年偶爾才參與電視和電影的演出，只有在音樂舞台上，才會見識到他的另一面。
撰文：何慧斯
眼前堅持掛上黑色太陽眼鏡的豹哥，不苟言笑，誰不知話題打開後，換來是嘻嘻哈哈笑個不停的面容，霎時間似乎記不起他曾是披着一頭鬈髮的band友，以及變態鹹濕的三級片男主角。淡出拍戲生涯，專注音樂的豹哥，今次在歐冠英的邀請下，答允演出由她和陳維冠任監製的《衝上雲霄II》，飾演航空公司的高層景家駿（Adrian），故事中不單與下屬打成一片，開心的時候更會拿着結他自彈自唱。在現實生活中，維珍航空的外籍老闆布蘭森（Richard Branson），穿上紅色空姐的制服，在亞航一班客機上，為乘客遞送飲料和食物外，更包括洗廁所，事後布蘭森粉墨登場的相片，一度在網上瘋傳，而且更有不少打工仔羨慕有這老闆，問到豹哥此事，他笑說：「少少喇，參考性箒，始終外國人嘅社會同我哋唔同，但係佢哋想話我同員工冇隔膜，要打成一片，我諗好多人都希望有一個咁嘅老細，唔想個老細高高在上，將心比己，如果個老細可以喺員工嘅心態做一個出發點，了解多啲，我諗公司有好處。」他今次會飾演朱晨麗的爹哋，更會與馬國明爭江美儀，他笑說：「好難講話特唔特別，每個角色都有佢特別嘅地方，好似我都未試過做咁大個女嘅老竇，又會做呷醋外父，所以都有幾多搞笑位。」
■堅持掛上太陽眼鏡的單立文，不苟言笑，其實也有爽朗健談的一面。攝影：陳俊強
■豹哥於《衝II》中演朱晨麗（右二）父親，且是呷醋外父，爆笑連場。
電視圖片
■身為音樂人的豹哥，早前在《星夢傳奇》助樂壇後輩鄭俊弘（左）成功衞冕。電視圖片
被歸類猥瑣佬
提到在早前播畢的無綫劇《熟男有惑》，豹哥所飾演的藍爵士，雖然是回歸後第二部作品，不過當時播映頗受網民熱捧，他笑說：「呢個角色又係另一樣嘢，寫得好好，所以做起上嚟都幾舒服，一個咁樣嘅大叔去媾o靓妹，矛盾得嚟又幾賞心悅目。今次我哋同大家有坐低傾過偈，知道我私底下有另一面，覺得藍爵士可以同我掛到鈎，所以放心寫到嘢畀我，觀眾睇到又覺得幾開心。」他更有感而發地說：「我覺得好多時係制度問題，有啲嘢已經自動埋位，自動分類，變咗好多監製睇到單立文呢個名，自動歸納喺猥瑣、變態、有啲色情，鹹濕同殺人，之後就搵你埋位，但係從來唔會發掘你嘅另一面。」
與豹哥談到將來會否接拍多些劇？他淡淡地說：「唔知呀，睇吓反應點先喇，好難話度定咁長時間喺度stand by等拍戲，如果有個好靚位梗係入喇。」他又稱：「如果可以音樂同拍戲盡量一齊搞，我唔覺得現今世代可以有咁多界限，基本上乜都試，但係叫做拍咗20幾年，最好梗係唔好太重複。」
■（左起）當年豹哥與黃良昇、蘇德華組Blue Jeans，惜最終散band收場。
■在《金瓶梅》系列演活西門大官人的豹哥，儼如西門慶上身令人難忘。
劇照
轉型後頓陷低潮
演員，面對事業上的巨大轉變，他說：「音樂好主觀，每個人都有自己嘅堅持同方向，到後期啲理念都散散哋，大家其實都溝唔埋，再一齊磨合都幾難，Blue Jeans啱啱散band之後，有人搵拍戲咪跳出嚟。」毅然放棄理想走去拍電影，難免會遭白眼，他說：「我唔知呀，我覺得好多嘢已經係後話，當日毅然行出嚟，試吓第二個圈，呢個過程同經歷對我嘅人生係幾寶貴，如果我繼續落去，結果未必似今日咁樣，呢行係好被動，可以一年都冇一個電話叫你開工，好慶幸可以捱過好多高低潮，仲可以坐喺度同你傾到偈。」他再道：「我好享受我嘅人生經歷，我嘗試以樂觀心態去睇，人生要有啲經歷同起伏，先會珍惜同啟發，如果人生冇起伏，情緒一路都係咁穩定，你唔會學曉珍惜，正如今次嘅迴響，如果又係變態角色，你諗吓迴響又唔會似今日，所以我珍惜所有過程，唔知幾時再有個角色，做番真啲嘅自己，畀你睇到原來單立文係一個戇居居嘅儍佬，而唔係變態佬。」
靠老婆解心結
■豹哥希望有角色讓他發揮，讓人知道自己並不只是變態佬。
事實上豹哥近年被人發掘的另一面，當然是提到太太胡蓓蔚那張滿足的笑容，他坦言多得老婆替他解開不少心結和包袱，至於貌似浪子的豹哥竟然會結婚，他笑說：「我相信啲人對band友有一個誤解，以為佢哋好奔放，愛自由，唔愛拘束，但係你睇吓，Be記（Beyond）三個都結晒婚，溫拿呢啲咁成功嘅band都係結晒婚，o依家結婚嘅觀念都唔係咁枷鎖、無自由嘅形式，男女之間關係變得好獨立，變咗結婚係一種享受，唔再係一種負擔。」
■提到太太胡蓓蔚，豹哥就感心滿意足。
資料圖片
不枉此生
豹哥口中所指的心結，原來是指當年夾band所經歷的事，他說：「做band係有一個尊嚴同理想，但係band不嬲俾人感覺係次等少少，要衝破某啲界限，某啲階級觀念，先可以爭取到少少嘢，所以個理念係好緊要，但係當你單向性咁投入呢個理念，你會疏忽身邊好多嘢，變咗個人好純真，嗰種心態係經唔起考驗，譬如你俾人出賣、每次拆band，真係好hurt，我經歷咗咁多隊band，真係幾難受。」會否因為這原因不再夾band？他坦言：「都唔會，其實過程係開心，如果做到啲嘢出嚟，嗰種感覺真係好正，大家真係會流吓男兒淚，真係會好感動，越辛苦得嚟嘅嘢係越會珍惜，所以我覺得每樣嘢都有個堅持，喺過程可以享受，你已經不枉此生。我唔理最後係點，天下無不散之筵席，點都會散o架。」