自從做少奶奶後，已經好耐冇見黎姿蒲頭喇，就連微博都唔多見佢蹤影，除咗不定期更新微博版本外，都好少見黎姿喺微博貼相及留言，對上一次貼圖，已經係佢去年生日嗰次，不過當時佢只係貼咗鮮花相。但今年生日就有少少唔同，今晚黎姿喺微博貼咗張靚女相，原來今日係佢42歲生日。

雖然已經年逾40，兼且做埋媽咪，但黎姿依然保養得宜，相中佢皮光肉滑，果然係靚媽咪，令人艷羨。

黎姿話：「時間飛逝，情懷依舊，簡單就好，多謝你們的祝福 祝大家國慶快樂。 」而好友蔡少芬就留言祝福：「家姐！生日令你更美更幸福。。。願每天都精彩，開心！愛你 。」而黎姿亦回覆：「多謝妳阿妹﹗」

黎姿生日感言：時間飛逝，情懷依舊，簡單就好。（微博圖片）

劉嘉玲﹑周慧敏及黎姿三位美麗人妻，今年初喜相逢。（微博圖片）

蔡少芬喺微博留言祝福黎姿。（微博圖片）