黎姿除夕開派對 黎嬰偕女友到場

現年41歲嘅黎姿,09年下嫁富商馬廷強後,專心照顧家庭,更成為三女之母,同時亦要為07年不幸遇上嚴重車禍胞弟黎嬰打理美容診所生意。噚日除夕夜,黎姿喺中環太子大廈SEVVA邀請家人及朋友舉行除夕倒數派對,黎嬰女友亦現身派對。

噚晚大約7點半左右,黎姿丈夫馬廷強由助手陪同下,先到達餐廳,之後黎姿的父母相繼到達,黎嬰則由傭人推輪椅到場。只見佢精神看不錯。現場記者祝他新年快樂時,他則報以微笑,而黎嬰身旁則的女友與他十指緊扣,表現恩愛。

至於兩月前先至誕下龍女嘅黎姿已火速修身,身上戴上過百萬珍珠鑽飾,明艷照人,問到今年是否想再添一子?黎姿只係低頭,笑而不語。


黎姿以過百萬行頭襯黑色皮草、喱士裙到場,明艷照人。

馬廷強一早到場

黎嬰母(左)陪同黎嬰到場,黎嬰女友亦在側。

黎嬰女友不願上鏡。

一聽到記者問會否追生仔,黎姿即垂頭笑而不語。

伍詠薇自爆多得黎姿撮合
2013-01-01 18:12:41

伍詠薇同丈夫練海棠噚晚一齊出席好友黎姿(GiGi)舉行嘅除夕倒數派對。

伍姑娘話黎姿係佢嘅媒人,佢話:「GiGi當年介紹老公俾我識,係我哋嘅核心人物,大家婚後各有家庭,佢又忙湊BB,趁節日聚。」

講到於新年願望,伍姑娘話:「希望身體健康同家人開心,希望今年接少啲劇,放多啲時間喺生意上。」問到會唔會催好友陳敏之快啲嫁人?佢就話:「佢已有固定男友,男友個性好好,唔擔心佢嫁唔出。」


伍詠薇同老公練海棠相識,原來都係多得黎姿。