五個月大孖女吸乾媽咪
黎姿斷奶減肥弗到漏

黎姿今年 7月誕下孖女家蔚和家鎂後，為 BB健康着想親餵人奶，並為求有足夠奶水餵 BB而沒有實行收身大計。不過，隨着孖 B漸長，黎姿的奶水已不夠兩個大食 B女享用，所以月前已停餵人奶改餵奶粉，並積極進行收身大計，結果個多月已成功減去 10多磅。前日，黎姿 fit爆現身銅鑼灣，雖然因天氣太冷她由頭到腳包到冚，但面形已由圓碌碌變回尖尖瘦面，省返靚愛美神的招牌。

現年 39歲的黎姿去年與富商馬廷強結婚後積極造人，結果今年 7月打孖上產下孖女，大孖叫家蔚，細孖叫家鎂，其中細孖出世時因為只得 3磅幾而要繼續留院瞓氧氣箱，直至 9月細孖體重已回升至逾 5磅後，黎姿才接乖女出院，一家四口樂團圓。

前日
收身成功的黎姿前日現身銅鑼灣，產後脹卜卜的包包面已清減不少。

黎姿前日偕女助手到銅鑼灣上班，繼續為胞弟黎嬰打理美容中心生意。

近日天氣轉冷，故黎姿穿上厚重衣物，但仍可看得出她已回復苗條，面形尖細。

恢復工作現身銅鑼灣

為 B女健康着想，黎姿產後全力餵人奶，並為有足夠奶水餵 B女而放棄收身大計。今年 9月底本報記者見到黎姿偕老公馬廷強到中環開餐時，面部仍脹卜卜。不過，事隔個多月，黎姿已成功收身。
前日下午 4時半，黎姿乘坐白色七人車離開地利根德里蘭心閣寓所後，直駛往胞弟黎嬰位於銅鑼灣金朝陽中心的 Cosmax+美容中心上班。束起馬尾，一身黑衣及挽住 Hermè s birkin手袋的黎姿，雖然因為天氣寒冷而穿上大褸包到冚，但月前面部脹卜卜的她，包包面已經消失，回復昔日尖尖瘦面。黎姿與女助手落車後邊行邊有講有笑，並因為天氣寒冷而不時用手按住領口位置，當她發現記者時，仍笑笑口心情甚佳，但未有停下來接受訪問，直往美容中心。數分鐘後，黎姿女助手忽然折返上前問記者身份，然後女助手點頭微笑後離開。

7月
懷孕期增磅甚多的黎姿誕下孖女出院時，其巨肚恍如未生產的孕婦般。

9月
月前黎姿與老公馬廷強到中環開餐時，遠遠可見到她的雙下巴和粗腿。

調節飲食減重逾 10磅

黎姿產前身形 fit爆，向有愛美神導彈稱號。資料圖片

據知，黎姿雖然堅持餵人奶，但一人餵孖 B難免不夠奶水，不時要加餵奶粉，由於孖 B越來越大食，黎姿實在難以應付，所以按醫生吩咐餵夠 3個月人奶後，已安排孖 B轉食奶粉。由於不用再餵人奶，黎姿立即展開其收身行動。不過，黎姿並非到纖體中心收身，而是調節飲食和做運動，結果短短個多月已成功減去 10多磅。
上月黎姿父親黎柱出席江門活動時，曾透露大孫女家蔚重 12磅，細孫女家鎂則重 9磅，相信事隔一個月，黎姿一對孖 B定增磅不少。至於 08年因照顧車禍受傷胞弟而退出娛樂圈的黎姿，因要助胞弟黎嬰打理生意及照顧孖女，無意復出演藝工作，而她誕下孖女後，將繼續努力造人，希望為丈夫馬廷強再添一子繼香燈。
此外，月前有報道指細孖因為體質及抵抗力較弱，黎姿為怕細孖受細菌感染，所以一直高度戒備，不敢帶細孖出街，甚至有傳她謝絕友人探訪。至於月前黎姿本計劃在中環四季酒店為孖女舉行百日宴，但最後也為安全計而取消。

話你知：產後失收

張燊悅
07年 5月（左）、
09年 9月（右）

現年 39歲的黎姿今年 7月為丈夫馬廷強剖腹誕下一對孖女，不消幾個月已回復苗條身形。不過並非所有女人都如黎姿般幸運，有些產後仍然心廣體胖，收身達標之日仍遙不可及。

女星：張燊悅（ 34歲）

簡介：去年 1月為丈夫楊哲安誕下女兒後，今年 911再誕 7磅千金。三年抱兩下，張燊悅昔日的纖瘦身形也不復再，至今仍未收身，但她一於少理，沉醉於湊女樂之中。

女星：莫可欣（ 41歲）

03年 6月（左）、
今年 2月（右）

簡介： 08年 6月為丈夫方中信剖腹誕下女兒迦晴，懷孕時遵照醫生吩咐進食有營養食物，體重超過 130磅，為谷肥 B女，更落力催谷餵人奶，一向高頭大馬的她，產後體形變成加大碼。

女星：楊羚（ 45歲）

00年 4月（左）、
本月（右）

簡介： 05年 8月誕下第二胎女兒後，雖然她身為纖體代言人，但產後 1年面部仍略為水腫，至今更加中年發福，少女時代的瓜子面不復見，變成福氣少奶奶模樣。

女星：歐陽妙芝（ 38歲）

05年 12月（左）、
今年 9月（右）

簡介： 05年為商人夫婿方時俊誕下長子方玉丞， 07年再誕下次子方玉亨，產後一年仍未收身，穿鬆身衫仍難掩虎背熊腰，一代名模的骨感衣架子身材，就為愛兒偉大犧牲了。