阿嬌新戲《白狐》膠到冇朋友 有機超越《富春山居圖》

鍾欣桐(阿嬌)同張智霖9月有套叫《白狐》嘅新片上,不過相信應該唔係太多人知,因為係內地電影,最近套戲就出咗POSTER同一條「預告片」,個宣傳文案勁啦,首先號稱「中國首部真3D愛情動作大戲」,然後「全程採用全世界最先進的3D拍攝系統」,又話請咗《魔盜王》同 《BIOHAZARD》嘅立體視效總監Keith Collea,「並為5D電影轉製預留精彩設計」,聽完真係覺得套戲勁到冇朋友,不過相信各位男直都真係寧願睇「愛情動作片」多啲囉。

但係,條預告片,係一個真人都冇嘅,搞到好似成條online game宣傳咁,啲口號又「強味十足」,一睇就知係拍俾強國人睇啦,再睇埋張海報,每個人個頭都五顏六色,好似Cosplay大會一樣,網友仲笑言似足「美少女戰士」古裝版,人人塊面都膠到冇朋友,就咁睇都聞到朕「膠味」,仲話有機會挑戰近期被捧為爛片之霸嘅《天機?富春山居圖》,咁啱《富》片又係俾人話係志玲姐姐嘅Cosplay大會,睇嚟今年「金話莓」,呢兩套片都叮噹碼頭!

《白狐》預告片:

鍾欣桐(阿嬌)同張智霖9月有套叫《白狐》嘅新片
個feel係咪好似先?

鍾欣桐(阿嬌)同張智霖9月有套叫《白狐》嘅新片
好大朕膠味呀!

鍾欣桐(阿嬌)同張智霖9月有套叫《白狐》嘅新片
仲有強味


最先進喎,你信唔信先?


真係好娘


娘到爆炸


段片冇真人,得動畫。