與盧覓雪翻雲覆雨 福祿壽拚死銀任糟質

由電視版《荃加福祿壽》做到電影《勁抽福祿壽》,擔正做主角的王祖藍、阮兆祥和李思捷直言從未想過有機會由電視機走進大銀幕,拍戲搵大錢,福祿壽還自爆在片中與靚女陳法拉、高海寧和薛凱琪等各有感情發展,不過祥仔卻有一場與盧覓雪的對手戲,他笑說:「我只可以話光天化日、翻雲覆雨,總之睇完一定震。」

王祖藍、阮兆祥和李思捷日前在尖沙嘴宣傳新戲,去年才組成福祿壽,節目播出成功後,又拍電視又拍電影,他們坦言有點受寵若驚:「點諗到年幾前先組成嘅福祿壽有咁嘅機會,由小框框走上去大銀幕,呢個感覺好振奮人心同受寵若驚。」

(左起)李思捷、王祖藍及阮兆祥憑搞笑的「福祿壽」走進大銀幕。

(左起)李思捷、王祖藍及阮兆祥憑搞笑的「福祿壽」走進大銀幕。

祥仔說與盧覓雪在《勁》片有場勁爆戲,相信是盧跟他做人工呼吸的一幕。劇照

祥仔說與盧覓雪在《勁》片有場勁爆戲,相信是盧跟他做人工呼吸的一幕。劇照

祖藍在戲中最終獲女友薛凱琪認同。劇照

祖藍在戲中最終獲女友薛凱琪認同。劇照

自詡五虎接班人

問到「福祿壽」已經成為了他們的 icon,祥仔搞笑地說:「我哋似一個團體,諗吓喺電視史上,五虎跟住就到福祿壽,雖然中間有啲組合出現過,不過只係一段時間,我都數唔到仲有邊個好似係持續一個 group。」在旁的王祖藍亦笑說:「係呀,我哋啱啱去完美國登台,個啲麻甩佬都唔記得我哋叫乜名,反而記得邊個係福、祿同壽。」

談到今次在電影《勁抽福祿壽》演出,祥仔說:「電視版和電影版冇關係,係三個好失敗嘅年輕人,搵唔到工要搵食,結果打拼打打吓打擂台嘅奮鬥故事,用呢個題材係諗住有啲唔同嘅感覺畀大家,從來都冇人諗過福祿壽係有動作,今次唔係俾人笑,係俾人抦。」

談及福祿壽談情自然更多話題,祥仔與陳法拉、李思捷與高海寧和王祖藍與薛凱琪各有不同的感情發展,不過李思捷笑指祥仔有一場絕對不會忘記的感情戲,祥仔聽完後笑說:「仲有盧覓雪,但係佢同我冇感情線,呢場戲真係好勁好難忘,我只可以話光天化日、翻雲覆雨,總之睇完一定震,連我自己睇都頂唔順。」

笑聲發放正能量

至於首度擔正的壓力,福祿壽說:「福祿壽每個演出都係壓力,壓力係想做好呢場戲,我哋真係盡咗力,成果交畀觀眾同個天,我哋好享受過程,笑住面對呢個正能量。」