熱玩黃金比例 Apps 林峯變臉後升呢

完美面胚

熱玩黃金比例 Apps 林峯變臉後升呢

2011年04月15日
人人都想天生擁有完美五官,但點先算係完美面形呢?現時外國非常流行計算面部黃金比例,美國同加拿大最新研究指出,如果雙眼到嘴巴距離佔臉長嘅36%,雙眼眼珠距離佔面闊嘅46%,加上左右面對稱,就係最靚嘅黃金比例。

原來iPhone亦有推出面部黃金比例Apps,記者搵咗班明星做白老鼠,結果亞太區最受歡迎男歌手林峯十年前個大面扁鼻樣,只得6.9分(10分滿分),變臉後即升呢至7.5分,但相比起其他小生仍屬低分。所以話呢,chok唔等於完美!

Vanity Apps
US$4.99
呢個Apps從面部嘅黃金比例去計算出樣貌完美度。只要你拍低真人或相片的正面大頭相,便會得出分數,10分為滿分。

Chok都冇用

最近俾前國產女友潘霜霜搞到有得震冇得瞓嘅林峯,被指修飾過N次,先變成今日呢個Chok樣。記者搵佢10年前嗰個粗眉矇豬眼樣同現時chok樣做測試,發現佢變臉後高咗0.6分,但都係測試小生中最低分!

林峯黃金比例

唉!乜我chok完都咁低分嘅!(設計對白)

林峯黃金比例

01年

林峯黃金比例

11年

祖兒冇進步

10年前嘅容祖兒面圓、大牙肉,鼻翼闊大,點睇都唔係靚女。不過今時唔同往日,成日俾人話變臉嘅Joey,人愈紅五官變得愈靚,可惜用黃金比例嚟量度,點都係得7.5分,似乎成效唔大喎!

容祖兒黃金比例

01年

容祖兒黃金比例

11年

容祖兒黃金比例

好彩高分過Chok峯!(設計對白)

吳雨霏 近乎完美

Kary出道時喺Cookies中最唔起眼嘅一個,近年轉型做rock女獨立發展,觀眾開始對佢另眼相看。記者叫吳雨霏試玩呢個Apps,佢最初唔係好明咩叫黃金比例,直至睇到成績係眾星之中最高分嘅9.6分,Kary即醒晒話:「黃金比例係咪睇塊面同五官對稱嘅程度,估唔到我個比例都算唔錯。」唔止Kary你估唔到,就連記者都大跌眼鏡。不過呢個Apps都係娛樂性居多,唔使咁認真!

吳雨霏黃金比例

吓?女星最高分

吳雨霏黃金比例

唐詩詠五官對稱

唐詩詠唔算得上大美人,不過五官端正,玩完個Apps,唐詩詠有成9分,好厲害。佢好雀躍咁話:「我有少少大細面,右邊面係瘦啲、上鏡啲,估唔到我都有9分!」

唐詩詠黃金比例

唐詩詠黃金比例

佘詩曼要求高

身為視后嘅佘詩曼,對自己嘅要求果然好高,用嚟測試嘅相需要俾佢再三檢查先得,「張相影得唔太靚可唔可以再影過?我驚會影響出嚟嘅效果,太低分就唔好啦!」結果影咗三次,終於令阿佘滿意,可惜分數得8.5分,成績只屬中等,阿佘即強顏歡笑說:「都好啦!」

佘詩曼黃金比例

佘詩曼黃金比例

黃宗澤 黃金小生

除咗林峯,黃宗澤都算係無綫數一數二嘅靚仔小生,出名貪靚嘅Bosco試玩新Apps果然不負眾望,成功力壓一眾小生,勇奪男子組冠軍。「我係最高分呀?真係好開心呀!呢個Apps好正呀,叫咩名呀?等我即刻download先!」Bosco成為黃金比例最高分嘅小生,仲開心過攞視帝。

黃宗澤黃金比例

黃宗澤黃金比例

小生最高分

陳豪 Chok都冇用

一向被公認為型男,其外形與外貌亦迷到唔少女fans,以為陳豪會同Bosco有一番龍爭虎鬥啦!點知成績都係麻麻,佢話:「我不嬲都唔覺自己靚仔,我亦唔係sell偶像派,所以我一啲都唔失望!哈哈!」

陳豪黃金比例

陳豪黃金比例

我唔係靚仔!(真實對白)

黎耀祥意外驚喜

相比起林峯同黃宗澤,視帝黎耀祥就真係偏向「實力派」,試玩時連祥仔自己都打定輸數,「要同Bosco阿Mo(陳豪)比,我一定輸硬啦!」不過凡事都有例外,測試分數顯示,祥仔竟然能以0.1分之微力壓陳豪。

黎耀祥黃金比例

黎耀祥黃金比例