龔嘉欣在《金枝慾孽貳》中飾演首領姑姑「木都兒」，首次跟「視圈夢幻組合」戚其義和周旭明合作，由觀眾變成演員，令她相當興奮。在劇中嘉欣擔戲極重，還要跟兩大視后鄧萃雯和蔡少芬有不少對手戲，嘉欣未感很大壓力，反而覺得相當過癮，絕對是難忘的好經驗。

撰文：杜淑霞　攝影：李權威

化妝：Sammy Lam @ zeal image 髮型：Bowie Lo @ Chin.G

指甲：Crystal Jam 場地：MM/H（皇室堡15/F）

嘉欣坦言04年《金枝慾孽》播出時，她還是一個14歲的中學生，當時還未入行做模特兒，但印象已相當深刻，「嗰陣時都有追嚟睇，因為我本身好鍾意古裝，覺得好靚、好特別，但點都無諗過今日會有機會拍續集。」

最愛拍古裝

嘉欣當日接到通知有機會拍續集，坦言相當興奮，即時做準備，「我本身真係好鍾意演古裝，知道要拍即刻搵番第一輯嚟睇，雖然好多人會覺得古裝辛苦，但係造型靚就無所謂，仲要有機會同戚其義、周旭明合作，辛苦啲都無所謂，可惜呢次係第一次，亦係暫時最後一次，希望將來仲有機會同佢哋合作啦！」

不少有份拍攝該劇的演員，都大呻對白難背，「如妃」鄧萃雯更因壓力大而患上情緒病，但嘉欣卻未感壓力，就算面對兩大視后一樣無有怕，「我不嬲背書都OK，同Ada、雯女佢哋合作亦唔會有壓力，有機會睇佢哋做戲不知幾開心，佢哋份人又nice，我喺戲裏面仲有機會鬧佢哋，同佢哋鬥嘴仲覺好過癮！」

嘉欣在《金》劇中，飾演儲秀宮首領姑姑「木都兒」，是皇后身邊紅人，連妃嬪都忌她三分。

嘉欣在劇中跟黃德斌有感情戲。