龔嘉欣毋懼被笑平胸:應大則大

龔嘉欣今日喺柴灣拍廣告,問到拍廣告性感底線,佢有自信咁話可以健康性感著泳衣拍廣告。

咁驚唔驚畀人笑佢平胸一族,嘉欣就話:「唔係平,係平均,最近拍劇,發現身材應瘦地方就瘦,應大地方就大,啱比例啲。」

另外,前港姐張嘉兒否認同龔嘉欣舊愛鄧健泓拍拖,龔嘉欣指就話唔清楚,佢話:「係咩?由佢哋啦,係人哋嘅事,我唔係好清楚佢哋關係。」

咁佢感情生活又點呢?龔嘉欣就話最近桃花幾旺,雖然佢承認有人追,但0依家仲係單身,咁追佢嘅人要加把勁咯。

龔嘉欣
龔嘉欣身材都好平均。

龔嘉欣
但唔算係應大則大啵。

龔嘉欣
白雪雪,好襯嘉欣。

龔嘉欣
摸住肚仔,唔通食多咗嘢?

龔嘉欣
龔嘉欣冇理會舊愛緋聞。