好肉地苟芸慧vs龍小菌 慘被KO

KO?點解?因為同佢有8成似嘅龍小菌都瘦過佢呀!

苟芸慧同金剛今日喺灣仔出席醫學產品活動,佢哋仲互笑對方嘅緋聞,苟姑娘讚金剛靚仔時,佢反問苟姑娘自己似唔似郭富城;到苟姑娘話最近跟Mandy(黃智雯)拍《飛虎2》嘅時候,佢就笑住話唔係金剛緋聞嘅女友Mandy Lieu。

噚日30歲生日嘅苟姑娘,出席完活動後到又一城行街兼恤頭,再跟一班圈中朋友喺意大利餐廳慶生。被問到有冇收到郭富城嘅祝賀?佢話:「未check message,噚晚同朋友去咗飲嘢。」佢又話男性朋友因怕傳緋聞而避開佢喎。

至於被指同陳蕊蕊在社交網打情罵俏嘅金剛,佢就澄清對方只係朋友。咁陳蕊蕊定係Mandy Lieu好朋友啲呀?佢話:「同陳蕊蕊啱傾啲。」可會展開追求?佢笑話:「順其自然,未來嘢好難講。」金剛喎,doors 梗係 always open啦!


苟姑娘同金剛互用緋聞對像開玩笑。


苟姑娘呢個動作,簡直驚天地泣鬼神!


咦?提起城城就O嘴?


其實肥臂又有乜好怕喎…


瘦身滿希望,肥肉由我抗!


(認真Mode)圓潤又好,肥美又好,苟姑娘嘅甜笑係最好就得啦!

好肉地苟芸慧vs龍小菌 慘被KO
苟姑娘真係好重量級!