今屆港姐冠軍陳凱琳（Grace）、亞軍蔡思貝（Sisley）、季軍劉佩玥（Moon）及友誼小姐歐陽巧瑩（Tammy）日前接受專訪。今年經由全民投選摘下后冠的港姐冠軍Grace，是近年鮮有的混血兒模樣，美貌與智慧並重，成功挽回港姐每況愈下的頹勢，對此Grace笑說：「可能特別在我唔係混血兒，但個樣係。」但依然有信心代表香港。

參選佳麗中最瘦、最靚及最富裕都落在Grace身上，獲獎機會可謂十拿九穩。參選後被揭家底豐厚住九龍塘獨立屋，從此挾着富家女之名，但Grace總是謙虛強調她只是生於中產家庭，求學時要做兼職賺零用錢，與Grace的談吐及相處中，感覺她言談親民，受訪時更主動與記者分享參選後偶爾睡眠不足，及至生活習慣都無所不談，的的確確從她身上找不到擺架子的味道，糅合大方得體品性。原來說話淡定是從小由家人培育，Grace說：「從小同家人溝通都係咁，好少會唔諗就講出嚟。」

■今屆港姐水準回升，（左起）亞軍蔡思貝、冠軍陳凱琳、季軍劉佩玥及友誼小姐歐陽巧瑩各具味道。

■陳凱琳日前接受專訪，暢談選港姐的心路歷程。攝影：陳志嵐

■無綫今年由市民投選港姐，甚有好評。資料圖片

自認能屈能伸

Grace外表看似柔弱，但她是唯一一個從參選開始，狀態之好由頭帶到尾，她以能屈能伸，適應力極強來形容自己的個性，她說：「呢個係優點又係缺點，會畀好大壓力自己，曾經有人會話平常心面對參選，當玩吓，我會話我唔係玩，好認真！」Grace參選認真又有美貌，難怪深受市民愛戴，結果成功成為首屆民選港姐。

今次當選完成了Grace在8歲時的選美夢，由加國回流香港發展，希望做個成功的司儀。與亞軍Sisley相比，Grace贏盡天時地利人和，二人同樣22歲，但Sisley的感覺格外好動，說話爽直，欠缺Grace一份成熟韻味，但同被譽為有質素港姐。

■蔡思貝性格爽朗，相當可愛。

蔡思貝憑感覺走

亞軍蔡思貝嚮往自由體驗生活，是一位長跑健將，無論學習及生活態度都以「憑感覺做人」，意味人生完全不受束縛，自認理智又感性，充滿矛盾。感情方面，Sisley目標明確地說：「o依家人生新一頁新開始，唔會為愛情摧毀我努力得到嘅嘢！」搖身成為港姐亞軍後，Sisley較以前慎言，至談到當選前後，Sisley才回復一臉稚氣說：「喺街上多咗人同我微笑，我好驚喜囉！」加入娛樂圈工作，Sisley未有定位，但她斬釘截鐵表示，文職工作絕不適合性格好動的她。

劉佩玥師承母親

季軍劉佩玥讀大學時曾簽約模特兒公司，是陳靜（DaDa）的小師妹，入行心態有迹可尋，加上母親林嬌85年亦曾參選港姐，令Moon有更大興趣躋身選美行列。參選優勝之處，除了有母親私授心得之外，大學時修讀傳理、主修電影亦是優勢，Moon說：「有呢方面經驗，對住鏡頭唔會驚，相信比其他女仔優勝。」重提母親參選，Moon最初不欲多談，後來母親反過來跟她說：「事無不可對人言，行得正企得正，同人分享吓冇所謂！」接着Moon激讚母親當年是靚女一名，但最終還是選擇當平凡小女人，其母亦將心得與愛女分享，Moon說：「要夠淡定，唔止睇外形，啖吐行動係咪符合，真係要比賽選過先知，既然香港觀眾咁有要求，叫我對自己內涵更有要求，有媽媽支持係成個過程最重要！」

■劉佩玥母親林嬌（右圖）曾於85年參選港姐。

資料圖片

■歐陽巧瑩年紀輕輕，但已身經百戰。

歐陽巧瑩拒絕洗底

今屆成為是非之冠的友誼小姐歐陽巧瑩，雖以惡及寸來形容自己的長相，但她認為這些都是錯覺，真實的內心世界不慍不熱，但個性就是率直，言談間強烈感受到她那股豪氣，略帶女中豪傑感覺，Tammy坦言：「我開心唔開心都係同一個樣，啲人覺得我冇表情就覺得我兇，我講笑都係冇表情。」由參加選美一刻開始，不斷被翻舊賬，貪錢、財務及桃色糾紛樣樣齊，Tammy一直處之泰然，至日前接受專訪時才吐出心底座右銘：「由細到大，阿媽都教我情緒唔好咁大波幅，出聲就會蝕底，唔好將表情擺喺面上，所以我o依家冇乜嘢情緒，仲話百忍成金，我細細個已學識呢個道理。」Tammy走捷徑加入娛樂圈，沒有想過修復失地，只想勇往直前：「任何報道都等於潑出去嘅水，唔會刻意洗底，畀我再揀有冇新聞，我都揀有，我嚟得選，都想加入娛樂圈，希望先苦後甜。」

服裝提供：toutā coup