港姐冠軍陳凱琳 握十七萬選票撐普選 促特首聽民意

2013年度香港小姐由陳凱琳奪得,她得到超過十七萬名市民投票支持當選,她接受無綫新聞訪問時表示贊成香港要實現普選,政府應多聽民意。

二十二歲的陳凱琳是大學畢業生,於加拿大長大,她同時得到最上鏡小姐。今屆選美,大會評判評分及觀眾投票各佔成績一半,陳凱琳在兩組分數都最高,其中得到市民十七萬多票,奪得港姐后冠。

那領導香港的特首應否全民投票選出?陳凱琳認為選特首是較複雜問題,她表示留意到多了要求普選特首的遊行示威,政府應多聽民意。她表示:「始終你做緊嗰個position(特首)嘅時候,你都唔會想話個個人係針對你、反抗,你都會想滿足到佢哋個需要。我覺得而家都係個好適合嘅時候去開始做啲嘢,譬如話真係開一啲會議,大家可以一齊傾偈,畀一個環境,啲人覺得好安全,可以畀我真係發揮到我啲嘢(意見),而你係真係聽緊我講囉。」

對於自己得到17萬觀眾投票奪冠,她認為:「畀人睇到係好公平,就係香港小姐梗係由香港人選返出嚟,所以我覺得係啱嘅咁樣做,同埋個個人都覺得呢個真係名副其實,係我哋想選出嚟嘅香港小姐。」

至於今屆亞軍就由22歲蔡思貝奪得,季軍是劉佩玥。

港姐冠軍陳凱琳撐特首普選

晚間新聞