係，王家衞除黑超其實唔係咩大新聞，不過佢真係好耐冇喺公開場合除黑超o架啦，後生一輩可能真係未見過。王家衞隻眼，o靚模Anjaylia個額頭，仲有側田唔戴帽，都唔係成日見到o架。

今晚《一代宗師》首映，王家衞就唔知係咪笑到流眼水，所以要除黑超，究竟講緊咩咁好笑呢?

究竟咩事令王導要除黑超呢?

祝酒預祝票房大收。

就係唔知講起咩，你睇笑到章子怡…

咁好笑，難道王導笑到喊要抹眼水?

由王家衛執導電影《一代宗師》今晚在尖沙嘴舉行首映，一眾演員盛裝出席。

梁朝偉拖老婆劉嘉玲行紅地毯，嘉玲穿深色套裝打扮低調免得搶鏡；而章子怡就穿上七彩連身裙拖著張震到場。

早前自爆曾胎盤撕裂的蔡少芬，現懷五個多月身孕的她，仍腳踏4吋高踭鞋現身撐有份演出的老公張晉。

蔡少芬認真犀利，兩次大肚都成日著高踭鞋亮相。

今晚最搶係章子怡。

《一代宗師》終於拍完，嘉玲心情都特別好。

偉仔唔止型，仲好CUTE!

呢個陣容，呢期成日見。

章子怡耍大牌　只接受電視訪問

今日《一代宗師》首映，章子怡話攰，要求坐低同記者做訪問，報紙記者話因為趕時間唔坐，佢就叫工作人員同記者講唔做訪問，只接受電視媒體訪問，十分大牌。

蔡少芬早前胎盤撕裂，今晚依然著住4吋高踭鞋現身撐老公張晉，問張晉老婆情況點？佢話：「有咗幾耐你哋問佢，我唔係代言人。」但蔡少芬到場後就入咗後台，冇接受做訪問。

對於喺《一代宗師》角色好多動作，好評如潮，張晉話：「自己好感恩，係亮點，自己都驚喜，第一次同王家衛合作，壓力有，未試過咁嚴格，每個鏡個都拍十幾廿take，如果佢再搵我有興趣再合作，拍完最後一場戲，回程途中喊，唔係辛苦，係唔捨得角色。」

梁朝偉喺《一代宗師》內戲份被cut，問佢有冇失望？偉仔好大方話：「唔會，有呢啲經歷角色先立體，自己拍得好過癮。」偉仔拍呢部戲唔止多次受傷，仲冷病埋入廠，佢話：「拍落雨打戲同王家衛講頂唔到，心力交瘁，好似跑馬拉松最後十分鐘。」