最近香港流感肆虐，截至今日（2月11日中午）死亡人數累積至164人。大眾都感到擔心，而娛樂圈中人因為工作關係，經常捱夜外，亦不時坐飛機飛來飛去工作，休息不足特別容易惹上流感。近日不少藝人都中招要睇醫生，眾人都紛紛在微博上留言，提醒大家注意身體。日前，記者追訪林峯，發現林峯戴著個3D口罩，做佢唔到亦係其中之一。據知他為怕病菌惹到女友吳千語，所以禁止千語接近，實施禁拖、禁咀、禁埋慾直到病好為止！

林峯向來愛錫千語BB，拍拖以來兩人不時外遊，又送過不少名貴禮物給她。不過，林峯最近抱恙在身，就唔多想見到千語BB，因為怕病菌傳染她，兩人不斷交叉感染。

怕搭飛機

日前林峯不用開工，一個人駕車外出到銅鑼灣，只見吃過午飯的林峯獨個駕車，身邊沒有千語BB芳。車廂中只見林峯著上便服，頭戴冷帽，面上戴上口罩，明顯身體不適。由於最近有變種流感H3N2奪去百多人性命，所以抱病在身的林峯也怕惹上惡菌，特地戴上口罩，保護自己和身邊人。由於林峯不時要飛往內地工作，在搭飛機時困在擠迫的機艙中再惹病菌，不過基於演員道德操守不想失場，據知已跟公司溝通，近日如接內地騷要預早通知他，他不介意自掏腰包加錢坐頭等。

處處小心

為防範流感，林峯不只坐飛機要選較少人的頭等機位，對著女友千語BB一樣無情講。據知林峯怕傳染女友，禁止千語BB咀他、拖手外，還要禁慾！「林峯最近病咗，佢都少咗同千語出街，怕人多再惹到菌就就病上加病。佢有諗過叫千語上佢屋企，但係要抹乾淨同消毒地方好花時間。而家唯有禁千語錫佢，仲連拖手都唔得，因為林峯怕自己手成日摔鼻會有菌喎！唔俾拖唔俾錫，所以阿峯索性禁慾到身體好番為止。」為女友著想處處小心，林峯情願禁慾，對女友來說真的幾細心。除了以上三禁，據知林峯近日和同事同食飯，亦特地用公筷，飯前飯後都會提醒同事洗手，唔講以為佢做宣傳衛生知識大使。眼見林峯身體不適禁止埋身，千語BB又擔心又無奈，日前趁BB出席公開活動，於是上前追問此事，BB眼紅紅說：「佢好唔舒服令我好擔心。不過我唔怕傳染，平時食飯我哋會用公筷。希望佢快啲好返啦，見到佢唔舒服我都好心痛。」記者致電了解，惟截稿前亦未有回覆。

其實除了林峯生病，近日還有不少藝人患流感，如關楚耀、古巨基、趙學而、薛凱琪、石詠莉等等，當中以關楚耀最勁，病到眼腫，幸而大家都沒有患上奪命新流感H3N2。做藝人每日對住不同合作夥伴，工作不定時休息少，所以人人自危，有病立即求醫外，命仔要緊！