36D高海寧（高 Ling）早前因為頻頻為無綫拍攝飲食特輯，體形如吹氣公仔般膨脹，巨躉豬腩纏身，令其新一代「咪神」地位岌岌可危，高 Ling苦尋瘦身產品，最終她靠「食菌」減磅成功，回復葫蘆身形的她，令索爆咪神得以歸位。

現年 24歲的高海寧憑着 36D勁爆上圍被封新一代咪神，工作接踵不斷，令她豬籠入水，更獲無綫安排擔任飲食節目的主持，先後主持《為食一條街》、《為食總司令》、《午夜出動》等節目，美食當前高 Ling忍口不成，日食夜食下，身形不斷暴脹，高 Ling為免咪神淪為豬神，即的起心肝瘦身，以保咪神地位。

高海寧成功瘦身，其 36D上圍更力保不失。

為食脹爆

高海寧早前因狂食致身形暴脹，現已火速回復身段。

晒 23吋纖腰

瘦身 fit晒
新一代咪神高海寧拍纖體廣告時大騷其 fit爆身形。

心廣體胖的高 Ling也吸引廣告商的注意，為了幫助她重拾咪神地位，廣告商就以 6位數字酬勞利誘她做瘦身產品代言人，急需瘦身的高 Ling當然一拍即合，於是就答允做代言人，試食 8日她就成功搣甩肥膏，令她開心到爆燈，更 fit到漏油，首次擁有 23吋纖腰。
日前高 Ling就為瘦身產品拍攝廣告，並展示其瘦身後的葫蘆身形，她自爆之前在電視城見到小儀，得知對方食完產品後有 22吋腰的好成績，令她心動想試，她說：「本身真係好為食，拍節目時又次次真食，所以磅數同腰圍係咁升，見到小儀食完拍飲食節目都冇增磅，梗係要即刻試。」

變減肥司令

高 Ling續說：「而且今次佢哋呢隻勤奮噬脂菌產品仲係加強版，食菌食幾多都得，就算之前我選港姐最 fit嗰時都未試過有 23吋腰，所以自己都嚇咗一跳，家我周圍請朋友食呢隻產品，佢哋仲改咗我花名叫噬脂總司令㖭。」