TVB今日假會展為曾志偉舉行60歲生日盛大派對，700位影視紅人為志偉慶生，星光熠熠。TVB將於14日曾志偉正日生日當晚播出名為《志在高興 志偉大派對》的壽宴盛況。

方逸華、楊受成、陳國強、樂易玲、曾勵珍、梁家樹、黎明、成龍、劉嘉玲、劉德華、周杰倫、孫楠、趙本山、佟大為、張達明、黃日華、巫啟賢、蔡一傑、梁漢文、陳小春、應采兒、巫啟賢、關淑怡、周麗淇、梁漢文、鄭中基、譚詠麟、陳百祥、李克勤、薛凱琪、吳君如、陳慧珊、陳慧琳、關淑怡、羅蘭、李麗珍、黃秋生、林子祥、森美、胡軍、許冠文、趙雅芝、呂良偉、方中信、馮德倫、古巨基、汪明荃、鄭裕玲、錢嘉樂、薛家燕、苗僑偉、戚美珍、泰迪羅賓、黃百鳴、施南生、石天、麥嘉、王晶、王祖藍、吳啟華、謝天華、黃宗澤、米雪、江美儀、陳敏之、滕麗名、唐詩詠等TVB全台藝人等……

到賀嘉賓不單止多，級數還好高，嘉賓種類絕對多元化，數都數不完，勁過任何一個頒獎禮、任何一屆台慶……

志偉晚上六時左右已在場恭賀嘉賓，現場設三個捐款箱讓來賓捐款。盛裝出現的他不斷接受吻賀，令他滿頭都是唇膏印。其中劉嘉玲和他的緋聞女友張美妮均以短裙騷美腿，而TVB眾小花紛紛封胸，像呂慧儀、高海寧均以露背裝示人。楊受成一早到場送利是給志偉，兩人更握手言歡。

壽星公一早已盛裝出現在紅地氈，他希望設立一個叫《綠寶》的平台，幫55歲至60歲人士創新天地。今年由年初開始已和不同的朋友分批去旅行，每個月應該去一次，已排到十二月。希望晚上一直保持清醒，派對後再會去狂歡。嘉玲覺得志偉的慶祝方式很有創意，希望有一天就可以像對方般享受生活，又讚志偉交遊廣濶，甚有感染力。阿倫透露送了六位數字的股票給好友，希望可以節節上升。對於志偉有意為長者設網上平台卻大潑冷水。他表示與志偉無論在海內外都慶祝過。

黎明對於前妻樂基兒盛傳再婚，他只謂不會回應其他傳聞，自己亦不知道此事。陳慧琳對於小龍包樣子曝光，她笑謂不介意，但拍得兒子不夠帥，要拿一些帥的照片為兒子平反。

陳小春和腹大便便的應采兒齊齊到賀，采兒腳踏三吋高跟鞋到場，「小小春」三個月後將出世，小春坦言很緊張，采兒就表示是首次任父母，還須多多適應和練習。

吳君如和阿倫、鄭中基一起上台做清談式訪問，君如問志偉一共有多少子女，志偉只笑而不答，要好友阿倫解圍。另外，昔日新藝城的拍擋石天、麥嘉等一起懷念往事。

與志偉傳過緋聞的關淑怡亦有到場，笑謂要讓兒子和志偉上契，一直當對方是UNCLE，既然澄清多次都被誤會。

四哥謝賢對報道指霆鋒賣他居住的豪宅套現，笑道與自己無關，自己現在住官塘劏房。

志偉楊受成超好傾 六嬸拖手賀

TVB今晚特登同志偉喺會展搞咗個叫《志在高興》嘅派對，星期日就會播出。

今晚傍晚時分嘉賓陸續入場，樂易玲同吳啟華拖晒手入場賀志偉，英皇老闆楊受成同志偉老友鬼鬼當然亦有到場，一入場仲同志偉雞啄唔斷，仲即場畀利事志偉。而六嬸方逸華亦有到場賀好友，仲肉緊握手仔。

一入場傾唔停

大家揸揸手

志偉今晚威呀!

六嬸當然會捧老友場啦。

吳國敬

EO2

梁漢文

場內佈置曝光

志偉今晚喺會展嘅生日大派對佈置。

今日志偉喺會展筵開60席賀牛一，星期日先至係正日，不過一眾演藝名人都已經當咗今日係正日喇。籌宴/派對八點鐘就開始，嘉賓已陸續抵達，仲有紅地氈行添，簡直做騷咁做呀(無綫14號仲會轉播添)

雖然場內盛況要等到無綫轉播先可以睇到，但唔少到賀藝人已紛紛上載場內佈置，包括嗰個巨型Q版曾志偉，同投影大舞台，果真不惜工本。

樂小姐一早就到。

本來單拖，點知見到回巢愛將吳啟華，樂小姐即刻拖實佢，雙雙行紅地氈。

黑絲美妮姐姐 谷胸賀緋聞男友志偉

黑絲+低胸+黑絲，無敵呀!

近年愈來愈搏，亦愈來愈索嘅張美妮，以前做兒童節目密密實實，發展平平，近年佢自己都話「諗通咗」，有得騷本錢，都會盡量去做。前排仲同曾志偉傳緋聞，話志偉上月幫張美妮包場慶生，玩到凌晨仲齊齊返酒店。

今日《志在高興》派對，呢位緋聞女友都有現身賀，仲照例低胸谷胸短裙上陣，加埋對黑絲，真係索爆全場。

高Ling留前鬥後　誘志偉掃背

志偉60大壽，梗係要搞大佢啦！TVB喺香港會展請咗近700位朋友出席。高Ling高海寧就「為志偉不甘後人」，率先出現喺會展紅地毯。

是夜高Ling著咗一條粉紅色短裙，驟眼望落去，包到咁密，喂，冇嘢睇喎！點知高Ling嚟一個轉身，嘩，唔講得笑，露出白雪雪、滑嘟嘟嘅大露背呀！不過見佢個玉背有一撻紅咗…唔通條裙太緊？咁梗係緊啲好，將高Ling完美身段表露無遺，志偉一見到，開心到眼仔碌碌，拿，唔好上下打量呀喂！

率先到場嘅高Ling，一身粉紅色短裙

話就話包得密，都唔係完全冇嘢睇呀…

高Ling笑晒口，搶晒鏡啦！

志偉哥，你望邊呀？

拍還拍，唔好掃呀！

傅明憲閃爆顯豐腴

傅明憲今晚個look真夠閃﹗

同樣盛裝打扮嘅傅明憲，一身閃片裝盡顯高貴，不過就略顯豐腴。同場仲有四哥謝賢、三哥三嫂、狄波拉夫婦、嘟姐鄭裕玲、羅蘭姐、黃韻材等，成班好朋友到齊賀志偉，今晚不醉無歸!

嘟嘟

三哥三嫂同四哥

肥苟思琦都封胸齌睇腿

志偉生日大件事!《志在高興》派對紅地毯，索女繼續到場，已為人母嘅楊思琦一身黑色短裙打扮現身，佢同茍芸慧都封胸，苟芸慧著上湖水綠薄紗短裙夠飄逸，不過就冇乜睇頭，加上雙腿又粗咗少少大煞風景，相比之下，人母思琦美腿纖瘦仲睇得。

茍芸慧好好肉哋。

女神feel，可惜「肉腿」煞風景。

背脊都冇乜睇頭。

羅蘭姐都有到場。

志偉拖實前輩。

思琦媽生完好似仲fit，勁!

雙腿又白又滑。

索爆滕麗名　晒深坑

已有一段時間未有露面嘅滕麗名，雖然已屆37歲，但自從有愛情滋潤之後，比之前更加索，亦更加「率性奔放」。佢今晚出席志偉生日派對，一襲超低胸裝，仲加送壽包——一俯身同志偉say hi kiss kiss嘅時候，更加係倒「奶」相迎，性感度同熱情度遠遠超過「激吻」志偉頭頂嘅金剛叔叔!

滕滕咁熱情送白滑壽包，志偉呢個主人家，當然要更加熱情﹗

見到此情此景，古明華會否在想…「志偉，你就唔好咁狼呀﹗」

高下立現

滕滕搵到佢嘅幸福，開開心心，更加明艷照人。

金鋼激吻志偉

孟瑤胸湧　捧志偉場

孟瑤低胸，冇得輸！

700位影視紅人為志偉慶生，又要招呼賓客又要影相，真係仲忙過拍戲。

同內地內衣品牌總裁周磊結咗婚、兼生咗個囝囝嘅波霸孟瑤都有到會展賀志偉，孟瑤面形係就係圓潤咗，不過身材未算太走樣，心口依然波濤洶湧，加上一條tube dress，感覺更加「突出」。孟瑤拍埋志偉度合照，直頭高佢一個頭！之後志偉再同莊思明合照，又係咁樣，喂，就吓志偉啦！不過志偉牛一，俾兩個高妹夾都抵啦！

Big爆呂慧儀 攬志偉送「壽包」

今晚志偉大壽真係好巴閉，雖然《華鼎獎》打對台，但仍然有好多星到場，真係好有face。

今日唔少女星低胸性感出席，完全唔吝嗇心口兩個「壽包」，同志偉傳過緋聞嘅呂慧儀都唔例外，低胸之餘仲作狀抱住咬耳仔，志偉真係艷福不淺呀!除此之外，姚子羚、莊思敏、李思欣等，唔低胸都騷長腿，真係目不暇給。

姚子羚晒長腿。

呵下壽星公。

莊思敏都係晒腿。

拉姑孖另一半到賀，又點少得Do姐同顧紀筠。

正面睇

芷珊姐姐

李思欣同袁嘉敏都來祝賀志偉。

講咩咁秘密?

低胸長腿，指定動作。

笑晒