何啟南入行時平步青雲，首部電影已是第一男主角，似乎是很多年輕人夢寐以求的明星生活，可惜年少無知，未懂得把握眼前機會，找一條康莊大道讓自己走；現在在無綫演反派、做跟班，令他「悶」不過氣來，惟有默默裝備自己，等待機會求突破。

撰文：黃曉妍

何啟南85年因拍攝一本青年人周刊封面，埋下進入娛樂圈的種子，當年何啟南被發掘跟王書麒和黎芷珊一起影封面，後來加入香港電台電視部，與林憶蓮、陳加玲主持節目，他笑說：「好好玩，憶蓮記性最好，太多稿又係介紹音樂就推畀憶蓮講。我只得16歲，做咗年幾就有人搵我拍戲。」

■何啟南首部電影已是第一男主角，可惜年少無知，又沒有人提點，未懂得把握機會一飛沖天。
攝影：黃偉雄

父母反對入行

首部電影《青春怒潮》何啟男已擔任男主角，再接拍《操行0分》、《鬼馬校園》，他說：「我簽約嘉禾都唔夠年齡，係媽咪同我去簽，逐部簽，冇簽死畀嘉禾，之後去咗德寶。嗰段時間我又拍咗好多廣告，細路仔乜都做，總之好玩又有錢，點解唔試，我讀書又唔叻，叫我拍戲梗係夢寐以求，做明星喎，細細個一定??飯應，但阿爸阿媽一定反對，後來覺得我都係打份工啫，做得好都OK，又唔係壞事。」

■時常演壞蛋的何啟南吐了口悶氣說：「最唔似賊嗰個先至係賊。」
《老友狗狗》劇照

■身材健碩的何啟南在《迷失樂園》中不做賊，轉行做鴨。

除當電影男主角外，何啟南曾做《烈火戰車》等電影製片，他說：「有兩年去咗英國進修電影幕後，返到香港，我有朋友做製片，於是我跟佢，其實我想做副導演，呢個係我嘅夢想，點知掟咗我去做製片，有時導演又叫我做幕前，咁我又鍾意做，幕前嘅滿足感大好多，搞搞吓就入咗無綫。」

96年加入無綫，由大銀幕跳進公仔箱，何啟南表示很不習慣，他說：「電影係單機拍攝，我嘅對白唔得唔緊要，可以兩句兩句咁拍，唔需要太記嘢，電影有好多人幫，但電視三機拍攝，要記對白、走位，所以我係一個儍仔，成日得罪人，好容易激親導演，阻人收工，好大鑊。」在電視行業中，何啟南邊做邊學，不斷改善自己的不足及錯處。

■雖然星途未如理想，但何啟男默默耕耘，故有不少演出機會。
《真相》劇照

■綠葉王何啟南邊做邊學，除了演得，而且還唱得。

戚其義助突破

何啟南坦言目標是想拍他想要的電影：「我唔係唔鍾意電視，只係有時太辛苦，講真，我認定呢份工係我終身職業，只不過我想做我認為想做嘅角色就好難，因為監製心目中已經覺得我應該做乜嘢，做跟班、反派，拍到好悶，但戚其義會畀我嘗試拍《心戰》，真係多謝佢。」怎樣去求突破？他謂拿着劇本想辦法，將角色現代化。何啟南直言曾心灰意冷有意離巢：「有諗過離開，但我返內地未必係好事，過隔籬台，又覺得自己未夠子彈，所以留喺無綫多一兩年再睇乜嘢環境。」

對於很多資深藝員由無綫過檔香港電視，何啟南說：「如果機會多啲，我絕對唔介意，但我唔見同以前有乜分別，叫我扮賊，好悶喎，畀個大賊我做同寫到（劇本）先啦。我唔明點解要搵個似賊嘅人做賊，現實生活中，賊冇樣睇，最唔似賊嗰個先至係賊。」

■《心戰》中何啟南演繹陳豪的暴戾心魔Martin，演出令人眼前一亮。

謀後路保生計

除做演員外，何啟南認為要謀多一條出路，他說：「我唔怕呢度冇飯食，起碼仲有碗粥食先啦，做演員做到咁好慘，我以前好多後路，試過賣二手車、保險牌都考埋，但??家就keep住開廠景同外景，始終就算做生意都要親力親為。」

由電台、拍電影直至入無綫拍劇，星途未如入行初期順暢，何啟南說：「繼續學，我以前都係靠撞番嚟，o依家先至學緊，因為我太細入行唔識諗，又冇人帶住我行，希望以後我可以搵到條路可以再行好啲。」

場地提供：MM/H（皇室堡）

心魔展現實力

■初出道的何啟南曾擔正演出多部青春片。

現年46歲的何啟南入行初期以電影為主，在《青春怒潮》、《操行0分》、《鬼馬校園》等擔任男主角，後來轉做電影幕後，曾是《烈火戰車》、《97家有囍事》等製片。由於做演員有較大滿足感，96年加盟無綫至今，曾參演劇集多不勝數，包括《創世紀》、《畢打自己人》、《4 In Love》、《心戰》、《愛．回家》、《初五啟市錄》等等，最令人留下深刻印象是在《心戰》中扮演陳豪的暴力心魔Martin。