追港姐冠軍陳凱琳失手 何猷亨轉追季軍劉佩玥

做富家公子除咗打理家族生意,副業就梗係追女仔啦,23歲何家四房公子何猷亨戀事多,先後與劍橋同學仔和嫩模拍過拖,戀愛跨界別不分窮或有錢,最新目標為大台港姐,早前不斷喺冠軍陳凱琳ig留言,留咗9個心心仲讚人係女神,可惜人家愛45歲大叔鄭嘉穎;猷亨即轉追季軍劉佩玥,更被拍得做外賣仔。

雖然富家子呢招好浪漫,不過出名pure嘅劉佩玥都唔敢認叻,她說:「佢係一個好有心嘅朋友,但男朋友就唔諗喇。」賭王仔唔會又追唔到啩?

後補佳麗 劉佩玥落叠 何猷亨溝勻冠軍季軍
25歲劉佩玥為港姐季軍,身高 172cm,浸大傳理及電影系畢業,選港姐期間又零負面新聞,絕對襯得起何家公子。

23歲何猷亨為賭王四太梁安琪二公子,有錢仔身份眾所周知,有條件自然多女埋身,先後同過就讀英國劍橋大學富家女Sabrina拍拖,亦同過嫩模文宇拍過散拖。最近轉口味,集中追港姐,先被本刊踢爆佢經常喺港姐冠軍陳凱琳ig留言,留足9個心心仲讚人係女神。

後補佳麗 劉佩玥落叠 何猷亨溝勻冠軍季軍
前年冠亞季三位港姐,為大台近年最索,冠、亞軍陳凱琳、蔡思貝劇接劇,最近季軍劉佩玥亦被戲劇總監曾勵珍點名力捧。

今年 1月劉佩玥喺保良局活動上擔任司儀,而何猷亨當日亦同場。據知猷亨對劉佩玥相當嗒糖,更主動交換電話。

見面即抄牌

後補佳麗 劉佩玥落叠 何猷亨溝勻冠軍季軍
何猷亨上週成為保良局總理,期間亦回應與劉佩玥緋聞:「係識咗好耐嘅朋友,唔係拍拖。」

何猷亨追出面,可惜陳凱琳反而對大自己 22年嘅鄭嘉穎嗒糖,追唔到冠軍,猷亨即轉攻季軍劉佩玥,喺 4個月前保良局活動,認識做司儀嘅劉佩玥即交換電話。據知猷亨對夠晒純情嘅劉佩玥相當受落,早前更被拍得做外賣仔送宵夜俾劉佩玥。

雖然何公子追得咁貼,不過劉佩玥都話只係當人係朋友喎。她說:「嗰日佢咁啱喺附近,我話我拍緊劇,佢就過咗嚟喇,當晚由夜晚拍到凌晨,有個朋友咁有心送嘢俾我食,係好開心嘅!我揀男朋友首要條件係孝順,跟住佢要進步,我唔介意食麥記,餐餐要平嘢都得!(猷亨中哂你啲條件喎!)佢中哂做朋友嘅條件,不過男朋友就唔諗喇,因為我想專注事業。(佢追完陳凱琳又追你喎?)唔會影響我同 Grace感情,我同佢(何猷亨)只係好朋友。」何公子唔會又撻 Q啩?

猷亨愛辣妹

雖然猷亨轉追兩位港姐,但以前猷亨經常被拍得同唔少身材火辣嘅嫩模一齊,o依家做咗總理,口味都轉埋。

10年同過嫩模文宇拍拖,由於女方經常喺 fb晒合照,見光後即被猷亨飛甩,事後猷亨更公開話:「同佢玩玩下啫。」
10年同過嫩模文宇拍拖,由於女方經常喺 fb晒合照,見光後即被猷亨飛甩,事後猷亨更公開話:「同佢玩玩下啫。」
何猷亨
何猷亨愛夜蒲,早年被拍得同貌似 Jeana嘅女仔 Sabrina拍拖,但戀情維持半年就結束。
何猷亨
劉佩玥曾經都做過嫩模,選港姐前為DaDa師妹,不過冇行過性感或出過寫真,保持pure。劉佩玥喺《4個女仔3個BAR》彈起,即刻劇接劇,拍完《殭》後即為《EU超時任務》開工。

風流二代

賭王風流,幾位公子亦得真傳,除咗何猷亨外,另外兩位90後何家公子身邊不愁女伴,而且品味各有不同。

三房猷啟易埋身
何猷啟
猷啟最愛平民女,曾經同喺健身室做接待員嘅 Mina拍拖,二人更經常到旺角、銅鑼灣平民地方行街。
何猷啟
猷啟同 Mina分手後,亦經常被拍得同唔少女仔一齊,但大部分都係平民女子,口味唔似一般公子。

猷君換畫快
何猷君
何猷君最愛鬼妹仔,曾經同有西班牙血統嘅 Francesca拍拖,一年後就分手,女方事後仲喺微博多謝佢嘅照顧。
何猷君
去年何猷君被拍得同新加坡女子組合 By2嘅 Yumi夜蒲,但見光後 Yumi即被飛。