天降玻璃梁靖琪差一秒中招

梁靖琪(Toby)昨日駕駛心愛座駕Mini Cooper到九龍城選購影碟期間,險被從天而降的玻璃擊中,差一秒即成為高空墮物傷者的Toby,雖逃過一劫,但望着座駕多處損毀,一時顯得六神無主。

車頭位置有多處刮花,損毀最明顯
車頭位置有多處刮花,損毀最明顯。

Toby憶述事發經過說:「大約四點幾,我揸車到九龍城獅子石道泊低,去附近VCD舖買碟,搞掂諗住上車,但又想買杯嘢飲,突然有個街坊話『有玻璃跌咗落你架車度』,我嚇咗一跳,即刻去了解,見車頭同車頂有多處損毀,得知跌玻璃嗰戶人係傷殘人士,就唔打算追究,但問過相熟車房,話維修要萬幾兩萬,好心痛,最緊要冇人受傷,不過事發時有個女人受驚,上咗十字車。」

事發後Toby父親無綫高層梁家樹及母親亦有到場了解,Toby說:「之前單鐵騎士啱啱settle down,又發生呢件事,好黑呀!我都係唔整車住,睇多半年先。(轉做乘客?)等我搵多啲錢先,如果唔係都要自己做司機。」

玻璃從三樓(箭嘴示)跌下,擊毀Toby泊在樓下的座駕
玻璃從三樓(箭嘴示)跌下,擊毀Toby泊在樓下的座駕。

Toby父母事發後即趕往現場了解
Toby父母事發後即趕往現場了解。

Toby事發時若前往取車,後果不堪設想
Toby事發時若前往取車,後果不堪設想。

警方發言人稱,事發前現場有裝修工人安裝冷氣,期間有玻璃跌落街,警方接報到場,將一名48歲梁姓裝修工人拘捕,由於現場有玻璃跌落街而嚇親女途人,一名58歲陳姓女子需送醫院檢驗,警方現暫列作高空擲物有車損毀事件處理。