《飛虎II》連環爆意外 羅仲謙傷屁股 鍾嘉欣險毀容

無綫新劇《飛虎Ⅱ》一直拍得幾順利,點知前兩日發生兩宗意外,其中羅仲謙(謙仔)見紅入院縫針,鍾嘉欣場爆炸戲就突然提早爆,好在佢同馬德鐘都冇受傷。

羅仲謙飛虎跣低 屁股縫兩針

羅仲謙前日早上在電視城拍攝新劇《飛虎II》發生意外,跣低時左邊屁股被強化玻璃的碎片插傷,當場流血,要入醫院縫兩針,幸沒有大礙,休息一晚後昨日已復工。

強化玻璃碎片插入肉

據羅仲謙公司發言人表示,前日早上8時,謙仔在電視城拍攝廠景爆炸戲,當時他跣低時看不到地上有強化玻璃碎片,被插到左邊屁股近大腿位置,流了很多血,工作人員即時為他止血及由救護車送他到將軍澳醫院急症室,由於碎片插入肉要做小手術縫兩針。之後監製林志華讓他回家休息,這兩天亦會作調動不用他拍動作戲。謙仔回家睡覺時因麻醉藥過後有點痛,要側身瞓。

謙仔回應表示意外難免,自己日後會小心一點,監製會配合他的傷勢作安排,不用擔心。他笑言做手術有女護士在場,令他有少許尷尬。

羅仲謙拍《飛虎2》傷屁股 鍾嘉欣險毀容
■謙仔前日開工時俾玻璃碎割到屁股見紅,結果要縫針收科。
資料圖片及設計對白

「嚇到嗌住救命走」

至於嘉欣BB嗰場就有驚無險,場戲講佢身邊兩呎幾外有手榴彈爆炸,原本夾好時間爆佢就狂奔,點知炸彈突然提早爆,好在爆炸力有限,嘉欣BB花容絲毫無損:「原本我爆炸時好有型咁走,點知提早爆,嚇到我嗌住救命走!」嘉欣BB話當時喺佢側面爆,但冇諗過毁容:「我只係諗唔好受傷,因為我仲要拍劇同開演唱會!」特別係下月要開演唱會,嘉欣BB話開工都會打醒十二分精神,唔可以畀自己有任何損傷。而馬德鐘老婆就喺微博呻,話擔心老公仔拍劇整親喎!

羅仲謙拍《飛虎Ⅱ》傷屁股 鍾嘉欣險毀容