台灣藝人汪東城之前代言嘅衛生巾廣告，慘被改花名做「大姨丈」，今日大隻仔羅仲謙夥拍胡杏兒，喺中環碼頭宣傳衛生巾產品，榮升港版「大姨丈」。

提到連衛生巾都請謙仔做嘉賓，佢就沾沾自喜說：「係呀！之前做女性內衣，依家到女性衛生用品， 我覺得係一個潮流，多啲男性角度出發去諗呢樣嘢，又唔需要去避忌，証明女士日常生活辛苦過男仔好多，每個月有周期性，好似依家咁熱咁辛苦，係要忍讓啲、呵護啲。」

謙仔拎住衛生巾都完全冇尷尬。

杏兒踢爆謙謙楊怡係情侶

今日胡杏兒同好姊妹男友羅仲謙喺街頭一邊按摩一邊宣傳衛生巾產品，身為男仔嘅謙仔完成冇尷尬，反而杏兒就話感到有啲為難同尷尬，期間不停叫好驚，又推搪話唔敢，真係搞笑。

杏兒仲大爆謙仔同楊怡嘅情侶關係，佢話：「好尷尬呀！始終係姊妹男朋友，此兒又不同彼怡，我都驚呷醋，噚晚有諗過打俾阿怡，謙謙又咁靚仔，佢咁了解女仔周期性需要，聽到都好鬼sweet。」

對於被杏兒踢爆與楊怡的男女朋友關係，謙仔說：「講埋啲咁嘅嘢，唔係o掛！我無咩？嘢要承認，無咩嘢要否認。」現場見到羅仲謙按摩時好熟手，問佢有否為楊怡按摩？佢就未有正面回答：「我覺得男仔識按摩係種情趣，同伴侶之間關係好啲，按摩係要臨瞓前先做，夜晚瞓覺前我無見過佢。」

杏兒係女仔，宣傳衛生巾有乜好尷尬喎！

反而謙謙大方好多