日前梅艷芳嘅遺物被遺產信託人拍賣，阿梅好友曾志偉事前已聯絡阿梅嘅歌迷，當日幫手舉手，競投阿梅所有獎座返嚟。歌迷會會長蘇小姐直言，曾志偉冇講明銀碼，只係要佢哋舉手，總之志在必得，因為獎座對藝人而言，代表尊嚴。

今晚志偉被問到此事，佢話：「獎對一個藝人嚟講好緊要，係一個藝人尊嚴，必須保存。我知道呢件事嘅時候係喺越南，同啲fans、朋友聯絡，如果各有各投，啲獎就會四散，o依家我攞晒先，展覽遲啲先算，全世界fans都好有心，希望到時展覽可以齊全。」

至於阿梅當年參選新秀歌唱大賽嘅獎座失蹤，志偉顯得甚為緊張：「點解會唔見？唔喺屋企啫，可能阿梅自己收埋咗，唔見咗冇所謂，最緊要唔好流失。」志偉更表揚張敬軒相當有心，指他暗中投咗好多，「佢暗中投咗好多嘢，都係佢自己扲荷包，連心經都係佢投，仲有好多遺物，佢話唔忍心啲嘢流失，仲話唔介意攞出嚟。」

曾志偉承認競投了阿梅所有獎座，佢話:「如果各有各投，啲獎就會四散，o依家我攞晒先，展覽遲啲先算，全世界fans都好有心，希望到時展覽可以齊全。」