張敬軒加盟英皇記者會 願與關智斌組「情侶檔」

被指為祖兒霆鋒「師妹」 張敬軒:我唔介意

張敬軒今日出席加盟英皇記者會,軒仔將簽約英皇六年,酬勞亦逾千萬。今次軒仔加盟,老闆楊受成﹑契爺陳鼎禮夫婦﹑樂易玲﹑吳雨﹑胡文新等都係座上客,而容祖兒及謝霆鋒專誠撐場,不過未見古巨基及傳斷背嘅關智斌(Kenny)蹤影,基仔只送花籃,而Kenny因為身在內地工作而冇現身。

祖兒同軒仔係閨中密友,祖兒講笑話:「佢體內好大潛能,之前成日反串演出,o依家可以扮番男人。」軒仔聞言即叫祖兒唔好亂講嘢,仲叫祖兒驗明男兒身。

加盟新公司後,軒仔同Kenny順理成章可以合作,咁會唔會以「情侶檔」合作呢?軒仔話:「睇下劇本同睇下Mani。」

軒仔又話希望公司鞭策佢,又會努力還歌債,明年底希望喺紅館開騷,工作咁忙,會唔會擔心再有情緒病?佢話:「唔驚,公司畀好好醫療我,咩病都醫得好。」

係咪踢走古巨基做一哥?軒仔話公司網羅不同人才入旗下;講到佢o依家係祖兒霆鋒「師妹」時,軒仔笑稱:「是但,你講乜就乜,都係一句,我唔介意。」

軒仔平日直腸直肚,加盟新公司後都知道要收口,佢笑說:「我今日睇咗通勝話唔好亂講嘢,嚟緊每日先睇聖經,後睇通勝先出門。」

張敬軒(中)正式加盟英皇,獲謝霆鋒(左)和容祖兒(右)現身支持。
張敬軒(中)正式加盟英皇,獲謝霆鋒(左)和容祖兒(右)現身支持。

張敬軒加盟英皇

張敬軒加盟英皇
張敬軒加盟新公司,霍汶希及容祖兒出席支持

張敬軒加盟英皇
祖兒及軒仔有說有笑。

胡文新(左)及樂易玲
胡文新(左)及樂易玲


張敬軒唔驚再有情緒病。

霆鋒現身撐軒仔 「迅」速閃人

今日傳出謝霆鋒同周迅原來已經秘戀大半年,為愛郎周迅呢排密密來港,仲秘密搬入金鐘栢舍公寓,租住同一幢公寓方便拍拖。

謝霆鋒今日就出席張敬軒加盟英皇記招,新戀情新聞曝光,霆鋒喺記招笑容滿面,果然見慣風雨,佢就唔想搶軒仔風頭,一早就話要趕戲而唔做訪問,又戴住黑超上台,不過霆鋒依然顯得好風騷,當司儀大讚佢係好老闆,又話係喺報章報道得知,霆鋒即笑住講兩次:「報紙不可盡信」,唔知佢咁講得咁有保留,係咪仲追求緊未得手?

整個主禮儀式步入尾聲時,霆鋒顯得好想盡快離開,不時轉身想走,最後當然係冇答有關戀情嘅問題啦,果然好「迅」速喎。


霆鋒無懼緋聞纏身,照出席軒仔加盟公司記招。


呢位師兄唔話得啦!


背脊「得」住,想點?想走囉!


最後真係一句訪問都冇做。

霆鋒閃人 Mani幫答:佢哋係住同一幢樓

今日被傳同周迅撻著嘅謝霆鋒,出席張敬軒加盟英皇嘅記招,最後當然冇回應同周迅嘅戀聞啦,咁就由經理人霍汶希(Mani)回應啦,Mani話:「霆鋒無拍拖,o依家單身,佢離婚後至o依家仲單身。佢哋係識,只係住埋同一層樓。」不過佢次後更正係「同一幢樓」,又話百分百絕對無咁嘅事。

講到張栢芝靜雞雞帶走一對仔去加拿大,Mani話霆鋒一早同栢芝溝通好,佢亦都認同小朋友唔應該活喺追訪下成長,不過佢哋間中會返嚟香港。

Mani身為經理人,當然要體貼霆鋒啦
Mani身為經理人,當然要體貼霆鋒啦