張敬軒、王菀之（Ivana）同謝安琪（Kay）等，今日喺尖沙嘴出席無綫《星光熠熠耀保良》記者會。之前軒仔因為屬環球歌手，有段時間冇喺無綫亮相，不過日前軒仔過檔英皇後，終於可以名正言順亮相無綫咯，軒仔相隔近四年重返無綫做節目，佢話覺得激動又開心。原來軒仔稍後會幫無綫嘅《星夢傳奇》擔任評判，工作排得密麻麻。
另外，有報道話無綫高層余詠珊要「高分王」鄭俊弘（Fred）簽約老公何哲圖嘅星煥唱片，咁啱今日何哲圖都在場，佢就話冇咁嘅事，但又老實話對Fred有興趣。
張敬軒闊別無綫近4年，將擔任《星夢傳奇》評判。
耶…好型仔啵﹗
呢對歡喜冤家又出現啦。
呢位女歌手係邊個呢？
鄧紫棋是也。
太極其中四子。
謝安琪
梁漢文及C All Stars
蔡加讚及梁安琪