噚日網上突然瘋傳亞視網站上唔到嘅消息，到今朝，上一上http://www.hkatv.com/，又真係仲係上唔到，搞到網民思疑亞視網站係咪執笠。

不過亦有網民話，早幾日先見亞視出廣告請web programmer，未知係咪將會革新個網站？不過未革新已經睇唔到…好似化學咗啲…不過無論亞視係唔係真係執咗個網，網民已經開始自己「熱烈地彈琴熱烈地唱」啦….

而我哋今日聯絡亞視公關部負責人，佢就回應：「我哋都唔知原因，依家要了解吓！」你哋都唔知？咁邊個會知呢…？

網站仲係上唔到，王征搵人搞搞佢啦!

下午四點最新消息，亞視官網終於上得番啦……