香港電視網絡宣佈，決定推出創新Over-The-Top（「OTT」）及流動電視服務，預計自明年7月1日或該日前後開始傳送多媒體內容，計劃推出3至5條頻道，其中包括一條綜合廣東話頻道和一條「24 小時」新聞頻道。因此，公司將會恢復內容製作業務，並會步進興建將軍澳工業邨的新多媒體製作及分銷中心的下一階段。同時，該公司計劃提議分階段重新聘用於2013年10月16日宣布裁減的大約320名員工。

該OTT服務使觀眾能通過如：智能電話、平板電腦、個人電腦及智能電視等，觀看其頻道，更可選擇直播或視頻點播的多媒體內容。

流動電視服務方面，香港電視斥1.42億元，向中國移動香港收購旗下全資附屬China Mobile Hong Kong Corporation Ltd，主要從事提供流動電視服務，並沒有在本港提供流動電話服務。該目標公司目前持有頻譜、綜合傳送者牌照及取得在本港提供廣播類流動電視服務的基礎建設、設施及設備。該可使用頻譜的有效期直至2025年8月30日為止。

HKTV今日下午五點召開「香港電視公佈新發展計劃」記者招待會，王維基於記招上表示，今次港視以作價1億4千萬，收購中國移動香港收購旗下全資附屬China Mobile Hong Kong Corporation Ltd，王維基表示:「大家唔好誤會，呢間只係中移動旗下子公司，只提供移動電視服務，同手提電話全無關係。」

今次港視收購嘅係一個8兆克頻譜，介乎678至688兆克中間，王維基表示:「基本上已經覆蓋全香港95%，比光纖更好，覆蓋率更大，雖然傳送頻道較少，唔係目標嘅30個，而係3至5個，但已經可以覆蓋到95%，村屋同離島都可以以到。」換言之，不受光纖網絡限止，戶外都可收到，省卻司法覆核帶來不穩定輿論，令港視員工可以專心製作。王維基表示，只需簡單安裝接收器，就能睇到，每個由百多元至七百幾蚊不等。合約期至到2025年8月30日。

大家最關心係收唔收錢，王維基話：「我哋會全面恢復製作，投入更多資源，有3至5條頻道，有一條係廣東話綜合頻道，24小時嘅新聞台，大部份係免費，有部份係收費。

喺未來幾個月，我哋會一步步邀請返之前離職同事，嗰320個同事返回團隊，我哋會恢復所有劇集綜藝節目製作，亦會盡快將軍澳多媒體中心建造工程，因為要應付大量要節目上需要，我哋基本喺2015年有520小時劇集，所以除咗請返離職同事，未來2年增加800至1000個職位，希望更多藝員，製作同事加入，我哋以後製作會劇集之外，綜藝每日6小時，我哋買咗好多海外劇集，library已經有800小時節目」佢之後表示只係點播節目會收費，即係重播節目先要收費。