何韻詩（HOCC）今日為一連三場的紅館「MEMENTO Live HOCC 何韻詩演唱會2013」舉行記招，何韻詩一改以往男生化的形象，穿上高跟鞋和短裙出席記招，令人眼前一亮。脫下牛仔外套後，更見背後透視螢光胸帶，散發陣陣女人味。相隔四年再踏紅館臺板的何韻詩希望讓歌迷看到更全面的自己，更揚言個唱會放膽性感上陣。
另外她透露今次在個唱會特別留席給一位神秘嘉賓，不難令人想起其緋聞密友鄧九雲，但阿詩則保持神秘大賣關子。
請容祖兒睇騷？ 阿詩：乜都聽唔到！
何韻詩將於十月喺紅館舉行演唱會，今日佢喺尖沙嘴舉行記招，之前已經見過佢個唱海報以女性化打扮，露腰又露事業線，今日記者會上，阿詩就著住短裙及高踭鞋上台，仲擺出多個嬌俏動作，而透視上衣更露Bra帶，佢笑言呢身打扮，連阿媽都唔認得佢。
講到嘉賓方面，阿詩話出場位較特別有劇情，又話係自己密友，咁係咪緋聞密友鄧九雲呢？佢就大賣關子：「留番啲驚喜，到時就知。」咁會唔會請容祖兒睇騷呢？阿詩就話：「我乜都聽唔到。」
阿詩擺返個唱海報甫士
大合唱，good show呀﹗
何韻詩雙親當然撐女兒場。
何韻詩嫌胸大阻碇：想睇下點縮細
何韻詩今日喺個唱記者會上表現風騷，佢著住短裙及高踭鞋上台，原本阿詩外披一件牛仔褸，不過受訪時除咗件褸時，赫然阿詩上圍忽然「澎湃」，上衣更透出bra帶，好鬼性感喎，身材比平時有睇頭，阿詩解釋：「平時都差唔多，係今日做咗啲措施。」
咁係咪預告個唱有性感演出？佢就話：「以往都比較慳布，點都要汽水蓋遮住，自己會放膽啲，多方面嘗試，唔會有底線。」
咁事前使唔使健胸呢？阿詩就話：「夠用啦﹗想睇下點縮細啲，太大就唔係好方便。」
何韻詩上圍忽然澎湃咗，佢笑言做咗啲措施。
哇．．．．
透bra呀
好sexy喎
行路嗰下都有盪下盪下