首拍古裝唔識避 江若琳忘形派「餅」

江若琳（Elanne）好忙，忙完拍首部古裝電視劇《洪武三十二》後，便會和劉青雲到泰國拍彭氏兄弟的新片《完美童話》，然後，8月就會到北京，跟安雅等人拍攝電視劇《星光都市》，加上新碟推出在即，令這位曾經歷事業低潮的朋友，終於可嚐到歌影視三棲兼忙到甩轆的感受，「好忙，但我好開心，好希望快啲儲夠錢，可以喺港島區買一個千呎單位，同屋企人一齊住。」Elanne堅定地說。

不過，奉勸Elanne一句，搵錢係緊要，但都唔好太博命，皆因日前下午，在烈日當空下，Elanne跟謝天華齊在荒山野嶺為《洪武三十二》拍外景，劇情講述，男方以一身好武功救了女方一命，首拍古裝動作片的Elanne只顧將上身緊緊貼實男方，務求製造驚險之感。

江若琳的忘形派波餅行動維持了一段時間，若然男方心存歪念，Elanne亦相當危險，好彩，謝天華當正Elanne為小妹妹咁照顧，空閒時齊玩自拍，再齊齊貼上微博，氣氛相當融洽，不過，過份熱情容易惹人誤會，之前便有傳Elanne憑「過份友善及熱情」的舉動搭上陳鍵鋒，更成功將男方「拗直」，人言可畏呀江小姐。

※Elanne為求逼真，上半身緊貼謝天華，忘形派波餅。

※謝天華在劇中英雄救美，難怪Elanne咁小鳥依人貼住他。

※戲前玩自拍，又有講有笑，Elanne同謝天華似足兄妹。