馬蹄露受傷 血流如注

最近無綫藝員拍劇時,真係意外頻生,先有馬浚偉拍《守業者》俾對手用假槍撞爆鼻、幾乎整親眼,幸有驚無險。今日輪到拍緊《巾幗梟雄3——諜血長天》嘅——都係馬,不過係馬蹄露,炒車受傷,額角爆缸血流如注。

噚日甫抵達清遠嘅馬蹄露,方才向同事發送短訊,話自己拍劇期間炒車受傷:「她在清遠拍《諜血》時,電單車失控撞車!看到她頭破血流的照片真的嚇了一跳!很多血呢!她說還要繼續拍攝!人在異地,你真的要多加小心!」

睇番相中嘅馬蹄露,坐喺疑似醫療室裡面,右邊額角鮮血涔涔而下。一臉無奈嘅馬蹄露用巾巾按住額角止血,但啲血仍然係咁流,觸目驚心,但仲要繼續拍攝,真係攞命。

其實今日凌晨兩點半左右,馬蹄露喺微博貼咗張連環圖,相中四個男仔坐住同一駕電單車,風馳電掣,仲要係個個都唔戴頭盔,同強國坐車特色——超載,完全融合。

當時馬蹄露寫道:「Owen(吳雲甫)…我們也坐電單車回來呀!…平日,我駕電單車要戴頭盔,現在太爽了!以下是卓娜(楊卓娜)四步曲!她在我保護下乘坐電單車,經過今次希望可解開她坐電單車的童年陰影!3位大男孩也爽了吧!」

點知凌晨貼完呢張危駕圖,晚上就傳來拍攝期間因電單車失控撞車而令額角爆缸,巧合得令人心裡發毛;同時亦提醒大家:電單車皮包骨,一定要小心!記住要戴頭盔同唔好超載呀!

馬蹄露
馬蹄露今日凌晨同同劇演員玩亡命電單車,傍晚拍劇時卻爆出炒車消息。

馬蹄露
血流如注

馬蹄露
今晨馬蹄露坐電單車時,仲咁寫…

馬蹄露
圖中四子坐埋同一架車,仲冇戴頭盔,完全係反面教材。

馬蹄露
馬蹄露噚日抵達清遠後,即於微博貼圖報平安。