胡杏兒李思捷返港回應「戀情」:有時唔好太認真

日前放咗張攬仔相上微博話:「我找到了。」呃晒一班網民嘅胡杏兒,原來同李思捷玩大整蠱,搞到佢俾人鬧。

今日杏兒同思捷兩位主角就去玩完返嚟,現身香港機場當然俾記者包圍啦,一出嚟杏兒助手就幫杏兒推開啲行李比佢做訪問,不過記者就唔問住,因為等佢同主角李思捷合照先嘛!杏兒回應返件事話:「其實係好簡單嘅一件事黎架嘛,總之係『你已經被整蠱了』。」

思捷成程就好護住杏兒咁話: 「難得一班Friend都好多年啦,難得可以聚埋一齊,個Trip Plan咗好耐o架啦,係差子羚,佢都得嘅就Perfect,好開心去到個Trip,咪放鬆下。」

記者同杏兒講好多人戥佢開心,思捷又插嘴: 「我依家都好開心呀!」咁依家係咪玩大咗?思捷話: 「最緊要佢開心啫,見到啲fans嘅留言都好支持佢。」杏兒話: 「思捷都啱嘅,有時唔好太認真。」思捷又話: 「唔好咁Serious。」

咁怕唔怕咁玩Fans嬲?杏兒話: 「我個FAN CLUB啲fans冇嘢呀…」有人話佢想反擊舊愛黃宗澤嘅最新戀情喎!杏兒即時否認:「唔係!絕對唔係!我冇諗咁多呢啲嘢,大家唔好諗太多。」思捷: 「唔可以咁諗,要互相尊重。」 咁問到呢件事究竟邊個諗出嚟先?思捷就話:「我哋一齊提出嘅。」同場嘅豹嫂胡蓓蔚就加把口話:「我睇全佢哋plan嘅。」

杏兒最後話: 「大家都辛苦啦,返去休息下啦,個Trip好開心。」問佢係咪恨拍拖,佢就話:「唔會,依家以事業為重。」

胡杏兒李思捷
兩個同一班fd去完玩返嚟

胡杏兒李思捷