黃品源坦承離婚:簽字時心情複雜

當年憑一曲《你怎麼捨得我難過》而為人認識嘅台灣歌手黃品源,自96年同巫若萍(蜜兒)結婚後,表現恩愛,黃品源一直保持住家好男人形象,極少惹緋聞,點知去年3月,黃品源就被發現鬼祟帶同一位19歲0靚模楊佳欣,出入台灣汽車旅館,被指有不尋常關係,令好好先生形象破滅。

事後黃品源表示該0靚模係自己表姪女,並解釋當時係帶對方見導演,但此言就引起網民質疑,仲話兩人係學長學妹關係,而非親戚關係。

至於黃品源太太巫若萍,喺事件曝光後,就寫咗封親筆信力撐老公,仲話表明冇離婚打算,又肯定丈夫對家庭貢獻。

原以為件事都丟淡咗,但今日再有新進展,消息指黃品源已同巫若萍結束17年婚姻。

據網上消息稱,黃品源日前被目睹同巫若萍現身戶政事務所,原來兩人正辦理離婚手續,當時佢兩個冇乜兩句,好似陌路人咁。

整個離婚手續約90分鐘,期間多數由巫若萍處理,而黃品源只係靜靜坐埋一邊。離開時兩人步向停車場,巫若萍望到冇望「前夫」,黃品源亦只係木無表情,最後巫若萍開車載黃品源返屋企,而回復單身嘅巫若萍,之後就單拖到東區行街。

離婚一事曝光後,黃品源如常工作,噚日佢喺工作室外出,提及離婚一事,佢起初唔知點答,仲好意外離婚一事會曝光,不過黃品源冇隱瞞,仲坦承:「我離婚了,簽字時心情複雜。」問到離婚係咪同楊佳欣有關?黃品源斷言否認,仲話同對方已經一年幾冇聯絡。

黃品源又解釋因為工作太忙,忽略咗好多生活細節,未能照顧到巫若萍心情。雖然啱啱簽字離婚,但黃品源唔排除復合可能,佢解釋因為0依家雙方多咗溝通,會互相關心,感情反而更好,再由朋友做起,重新開始。

黃品源同巫若萍日前簽字離婚
黃品源同巫若萍日前簽字離婚,不過黃品源話唔排除復合可能。

黃品源同巫若萍日前簽字離婚
真係好可惜。

黃品源去年被指同0靚模楊佳欣出入汽車旅館
黃品源去年被指同0靚模楊佳欣出入汽車旅館。(台灣《壹週刊》圖片)

去年黃品源同楊佳欣爆緋聞後,黃太巫若萍當時曾撰寫親筆信挺老公。(資料圖片)
去年黃品源同楊佳欣爆緋聞後,黃太巫若萍當時曾撰寫親筆信挺老公。(資料圖片)