TVB新聞部內鬥，好多人都奇怪點解去咗娛樂版/娛樂雜誌，講真，故事發展真係好睇過嗰三線劇集呀，一爆出疑似主播欺凌事件之後，兩位主角就日日有新消息，一時又話呢個耍大牌，一時又話嗰個人緣差…《金枝慾孽貳》悶到暈，反而0依家個真實現代版仲搶眼球！

今日又有新嘢喇，有知情者爆料，指無綫新聞部今日向「主播們」發內部電郵，講到係最後通牒咁，話新聞部同事唔可以私自調更，但翻查未來三周更表，仍有人為遷就自己假期、私自調更，又下令唔可以喺社交網站評論新聞部內部嘅事，唔想同事再成為娛樂新聞主角。

所以高層就寫住：「既然大家不能自律，惟有好好整頓，最後一次提醒大家，如有再犯便需接受處分。」 咦，當初係話張文采自己想編乜更就編乜更0架，高層咁講似係想俾多似機會佢喎。

黃紫盈就冇咁好彩，佢被高層指不專業，為平息風波，所以會被罰，更有傳新聞部經理黃淑明要求佢聽日開始放大假。

而表面上贏咗一仗嘅張文采，又有消息指佢向高層認錯後，近日卻不停喺其他同事面前喊住吐苦水，聲稱被人陷害，日前就有雜誌影到佢同男友羅鈞滿及主播蔡雪瑩喺TVB餐廳食tea，雖然表現好和諧，但報料人指部份心水清的同事覺得張文采喺度玩手段，反而替黃紫盈不值。

無綫外事部副總監曾醒明今日喺電話中稱係黃紫盈自動申請放大假喎，係咪避風頭先？佢就話：「唔係，只係每年嘅有薪假期，唔會放太耐，公司亦唔會刻意調配工作崗位。」佢直言每個部門有既定制度，同事應緊守自己嘅崗位，唔可以隨便調更：「工作應由主管安排，唔會私下分配。而facebook屬個人抒發心聲嘅地方，但以一個專業角度嚟睇，係唔應該將內部事務喺網上披露。」

黃紫盈今日繼續有主持新聞報道，不過已收到通知，稍後要「被放大假」。

黃紫盈孤身走我路？

真係放大假嘅話，會唔會好似之前咁再去日本散心？

黃紫盈facebook好多生活照都public任睇。

張文采被同事爆料，指佢為人都「唔簡單」。

嘩，真係同當年嘅郭晶晶有幾分相似喎！