賀《我愛 HK》勁收
志偉逼雙咪神三點式跑步
曾志偉監製的賀歲片《我愛 HK開心萬歲》上映 6日票房收 1,600萬,撼贏《最強囍事》勢必成賀歲檔票房冠軍。前晚志偉拉隊在尖沙嘴慶功,笑言若票房再高收就裸跑,兼要咪神呂慧儀和高海寧以三點式陪跑。
農曆年假幾套賀歲片先後上映,假期結束計分,結果曾志偉監製的《我愛 HK開心萬歲》上映 6日,截至前日票房收 1,600萬,勢必成為賀歲檔票房之冠,宿敵黃百鳴的《最強囍事》及周杰倫首部荷李活作品《青蜂俠》分別收 1,200萬和 1,000萬屈居其下,前晚志偉率領一眾演員在尖沙嘴慶功,其中以露少少的楊秀惠最搶鏡。
曾志偉監製的賀歲片勁收,前晚他率領眾演員慶功。
兩大咪神呂慧儀(左)及高海寧不約而同封胸出現,令人大失所望。
楊秀惠前晚現身再度「變臉」,她的臉明顯比以前瘦削。
最開心贏西片
問志偉是否最開心撼贏黃百鳴?他說:「冇呢啲,咁講唔公平,我哋套戲係一大班人做,佢就有大卡士,我哋呢套戲嘅演員,內地觀眾唔熟悉,但口碑冇得頂,最開心係贏埋西片,因為以往港產片成日都輸畀西片。」
志偉表示有意搞大馬慶功旅行團,皆因當地也是華語電影的地方,至於有多少票房才成團?他笑說:「最多咪 30幾人,我出錢都冇所謂。」志偉曾聲言若有好成績會裸跑,並搵埋兩位咪神陪跑,他笑說:「搵埋高海寧同呂慧儀着三點式陪我跑囉。」
提議咪神摔角
呂慧儀接受訪問時,提到志偉要她穿三點式陪跑,她笑說:「有 4,000萬票房都 OK,但冇志偉咁大膽裸跑。」有人提議她和高海寧進行泥漿摔角慶功,呂慧儀怕所有人會爆血管。
問呂慧儀之前首映以超低胸裙搶盡鏡頭,事後高海寧聲稱曾在洗手間叫呂慧儀給她看其打扮,卻遭呂慧儀拒絕,呂慧儀對此說:「佢冇叫我除衫畀佢睇,佢講我壞話,我要同佢傳不和。」在旁的高海寧則說:「我同佢係好姊妹,好 friend o架。」提到志偉要她穿三點式,高海寧笑說:「 5,000萬票房先,我唔係話矜貴過人,係想推高票房咋。」