我想長大 樂瞳

作為演員,眼看自己形象被定型大概是很矛盾的事,一方面很高興自己的形象被觀眾牢記,另一方面卻要擔心不能轉型和突破。外形嬌小可愛、與「妹妹仔」形象可謂分不開的樂瞳,就正正處於這個兩難之中。她坦言自己是時候要長大:「我需要突破自己。其實我年紀都唔細,但我對自己這幾年來的表現都唔算太滿意,好希望將來可以做多些成熟又令人信服的角色,唔再只係妹妹仔。」

撰文:Emily Tsui
髮型:Bowie@ Chin.G
服裝:TT Workshop
攝影:Daima
場地提供:Greyhound Café (又一城)

盡情扮粗魯

《情越海岸線》以長洲為拍攝地點。自小在大澳長大的樂瞳表示,回歸離島令她頓時有「家」的感覺。「雖然我在長洲的戲分唔算好多,但一入到去真係好有回歸離島的親切感。」樂瞳今次在劇中飾演的Yoyo,一時扮乖乖女, 一時就濃妝豔抹周圍蒲,更不時野蠻港女上身。問到樂瞳在現實中可真是一名野蠻女生?她就說:「我唔算野蠻,但我都幾任性。可能自細家人就已經好保護我,所以我會好倚賴,亦都會有脾氣,但就唔會真係好似劇入面咁公主病,樣樣事都要人幫我做咁誇張。」

為自己平反

自《點解阿Sir係阿Sir》開始,樂瞳就榮升為「高登女神」,碰巧她亦多次在劇中演女神,經常有觀音兵侍奉左右。未知是否演得太入型入格,樂瞳常常被人誤會在現實中也養有一群觀音兵。她帶點無奈的說 :「 其實真係冇,我都覺得好奇怪,成日都畀人寫到我好似萬人迷,但現實中係零囉!其實我都好擔心 ,觀眾會點諗我。我唔會唔開心,但係有少少想為自己平反。」樂瞳又解釋自己的性格不拘小節,說話坦白直率,所以比較喜歡和男性相處。

視詩詠為目標

自從演以來,樂瞳曾無數次扮演主角的妹妹。其實這經歷與初出道時同樣經常做阿妹的唐詩詠有點相似。現在詩詠已成功轉型,在演技上更有重大突破,難怪被樂瞳視為奮鬥目標。樂瞳說:「如果可以好似詩詠咁,我就已經好滿足。佢曾經都經常做妹妹,見到佢依家真係進步了好多,已經蛻變了,進入另一個層次。我就諗,會唔會有朝一日我都可以好似佢咁呢 ?我好希望在觀眾心目中的樂瞳都會慢慢長大!」

重返樂壇

樂瞳近年工作雖以拍劇為主,但其實她仍一直心繫歌唱事業,盼望未來能同時兼顧歌手和演唱這兩個身份。「我都會繼續唱歌,近來在劇內我都有翻唱一些舊的英文歌,係一個好好的機會,等觀眾重新認識我的歌手身份,我最想將來有機會唱電視劇主題曲,擁有一首自己的大熱作品 ,人人都識得唱 ,咁就心滿意足!」