是我小時候:徐子珊舞不喜

04年港姐冠軍徐子珊,兒時最愛跟大一歲的家姐玩香港小姐等角色扮演遊戲,子珊從來沒想過選港姐,因她最喜歡跳舞,曾想過當舞蹈家,可惜遭家人反對!

撰文:黃曉妍

徐子珊與家姐年齡相差一年,兩姊妹最愛在家中玩香港小姐、醫生護士、老師學生等角色扮演遊戲,子珊笑說:「我哋披毛巾被,用釦針扣住,攞雞毛掃扮港姐權杖;玩老師學生,家姐通常扮老師,因為佢話學生要做功課,好好笑,除咗返學,其餘時間同家姐玩,因為唔畀出街玩,到咗六年級,我間中先同同學去圖書館。」選港姐是兒時夢想?子珊說:「唔係,細個睇電視見到人哋做乜就會模仿,冇諗過選港姐,我細個係想跳舞維生,但屋企人反對,覺得係唔穩定嘅工作。」

徐子珊小時候
■子珊在公園玩耍,因見不到父母,所以皺起眉頭。

徐子珊小時候
■攝於啟德機場,原來子珊小時候已對火柴盒有情意結,長大後更花十年儲火柴盒。

徐子珊小時候
■攝於祖母家,當時與家姐捉迷藏,不期然露出鬼馬樣子。

學業轉差

子珊4歲開始學芭蕾舞,每星期上一堂,所以她很期待上堂的日子,直至跳到十多歲,再轉跳Pop Jazz。原來學舞期間,子珊因學業成績轉差,被家人勸阻不要再跳,她說:「當時讀初中,屋企人唔畀我再跳,冇錢畀我學,真係好唔開心,於是我用一年時間讀番好啲書,證明畀屋企人睇,後來我仲考到獎學金去學跳Pop Jazz。」

徐子珊小時候
■兒時子珊住在村屋,曾誤踩蜜蜂,被針得雙腳紅腫。

徐子珊小時候
■與5歲大的家姐(左),攝於親戚家,子珊盡顯其粗豪坐姿。

徐子珊小時候
■生病一場,令子珊消瘦不少。

小時候的子珊經常跟家人玩戶外活動,11歲那年跟家姐、舅父踩單車,由於子珊體力不及他們,所以踩得較為落後,還不慎撞石,導致小腿傷到見骨,子珊說:「佢哋見唔到我,唔知我受傷,我咪惟有返屋企,我阿爸冇送我去醫院,淨係用消毒藥水幫我清理傷口,痛到我死,我阿爸好兇狠呀!」

徐子珊小時候
■子珊拜山時與家人大合照,但近年因忙於工作已甚少拜山。


■雖然子珊當不成舞蹈家,但入行後依然常有機會一展舞技。