港男翟威廉的六嚿腹肌下暗藏一橫一直的疤痕，他自爆童年體弱多病，單是6年的小學生活，他便先後因急性盲腸炎和腹膜炎動過兩次手術，一度嚇壞媽咪，幸好越大越健康，並遠離病魔。翟威廉又招供曾是反叛學生，更自爆由壞變好經過。

撰文：比華利

翟威廉05年參選亞視亞洲先生，5年後再轉戰無綫的香港先生，兩次比賽他都要在鏡頭前以三角泳褲示人，觀眾除被他結實腹肌吸引外，未知可有留意到他腹部有兩條手術疤痕，其中一條長達4吋，原來這是他童年的慘痛烙印。並非因為翟威廉頑皮，而是因為他小時候是個藥煲，小學期間更是醫院常客，兩度進院做手術。

■剛滿月的翟威廉在母親懷中熟睡，十分可愛，母愛被分薄，難怪身邊的哥哥扁嘴。

■剛學會站立的翟威廉，最愛到公園玩打鞦韆。

■翟威廉（左）跟哥哥兄弟情深，他們最愛去游泳，想當年的翟威廉未發育，是一名排骨仔。

■不少男生童年都是波牛，翟威廉都不例外，他熱愛踢足球和打籃球。

半夜匿被竇偷食

翟威廉童年體弱多病，令雙親非常擔心，他說：「我二年級試過急性盲腸炎要臨時入院做手術，四年級就患腹膜炎又做手術，於是腹部從此就多咗啲疤痕。記得當年入院時好細個，我驚到係咁喊，嚇到媽咪喊埋一份。」出院後，翟威廉即被媽咪禁吃零食，對於母親的「張良計」，為食的他當然也出「過牆梯」，他說：「好彩我有哥哥接濟，佢會靜雞雞分畀我食，我哋半夜，吼媽咪瞓咗，兩兄弟就會匿埋被竇食消夜。」

■翟威廉自幼都有運動細胞，中學時參加學校運動會田徑比賽曾獲冠軍。

■翟威廉轉投無綫選港男，大晒六嚿腹肌，大熱勝出，成為八料冠軍。

■翟威廉過檔無綫後備受重用，有份參演剛播完的《女警愛作戰》。劇照

突發??赴日留學

翟威廉自問童年很反叛，他說：「我小學時好曳，成日要見家長，又懶唔讀書，成日掛住打機，學業成績唔係咁好，媽咪越鬧我就越曳。不過上咗高中，我有一日突然厭倦咗打機，發奮讀書，先知書到用時方恨少。」威廉表示中學隨母親去過日本旅行，便深愛當地文化，決心要前往求學，於是他承諾要考好會考，結果其母親都圓他日本的留學夢。