馬浚偉返TVB拍《守業者》多動作戲

馬浚偉(馬仔)重返無綫簽部頭合約拍攝民初劇《守業者》,雖然忙得不可開交,他還要度期宣傳本月底推出的新碟,及為音樂分享會綵排和練歌,準備下個月在九展舉行嘅音樂會。連最愛的羽毛球也要暫時放下,笑言有點不開心,講起都手痕,好想打番場,佢話:「最近少咗打,有啲唔開心,不過依家有時間都要用嚟休息。」

對於回娘家拍劇的感覺,馬仔坦言很親切,有如返母校跟舊同學聚舊。劇中有戰爭場面同好多危險動作場口,監製叫他放心,所有太危險難度高的場口,都會安排替身,但馬仔希望能親身上陣,佢話:「今次角色有好多動作場口,同以前好唔同,算係突破。好似早幾日先拍完動作拳腳戲同踩單車,為咗效果好唔用替身,動作唔算太難,拍得好順利。」

馬浚偉與楊怡(前排左)及唐詩詠(前排右)合作《守業者》
馬浚偉與楊怡(前排左)及唐詩詠(前排右)合作《守業者》