有報道指填詞人梁柏堅因為王菀之太認真而怕怕分手，轉愛陳淑莊，王菀之今日同C AllStar、Donald及陳志雲等現身樂富出席《低碳三十》記招。

對以上報道，王菀之思考咗十幾秒後，話只得一半係啱，佢話：「我哋係有一齊（同梁柏堅拍拖），但唔會係（太認真而分開），對方依家點我唔會知，都過咗去。」佢解釋分手係性格不合，只係拍拖幾個月，分開差不多一年。佢透露依家有合眼緣人追求，但工作太忙所以唔急住拍拖。

另外，對於雲海連日炮轟，依家係商台CEO嘅陳志雲表示明白對方心情，亦承認刪剪節目後，無通知對方係有不足，問到雲海係咪辭演稍後嘅合作騷？佢話：「未正式通知我哋，加上我哋未落實做同未定主題。」

王菀之今日承認同詞人梁柏堅曾拍拖，不過分咗手成年啦！