艾威拍MV《如果我是陳惠敏》

綠葉王艾威真係百足咁多爪,佢喺書展出咗本鑽研十幾年嘅賭博秘笈,日前又去錄口水歌《如果我是陳惠敏》,聽個名都知係改編自《如果我是陳奕迅》,日前佢更邀請經常喺電影入面飾演社團大佬嘅陳惠敏,去到新蒲崗為新歌拍攝MV,並會上載到Youtube播放。

艾威同陳惠敏係多年好友,呢次錄新歌並非為賺錢,艾威話:「唔理蝕唔蝕錢,純粹為興趣。」雖然陳惠敏演戲經驗豐富,但對於呢次拍處男MV,初時顯得甚為拘謹,不過艾威醒目,預先準備咗威士忌俾惠敏哥舒緩情緒,陳惠敏亦早有準備,帶備紅酒邊飲邊演。經過熱身暖胃之後,佢哋即刻開始MV製作,更充當畫面設計同導演。

艾威拍MV《如果我是陳惠敏》
艾威拍MV,陳惠敏同佢都唔騷肌喎!齋唱會唔會太寡?

艾威拍MV《如果我是陳惠敏》
飲多杯勝嘅!

艾威拍MV《如果我是陳惠敏》
艾威真係出奇不意,又出賭博書,又拍MV,邊個估到?

艾威拍MV《如果我是陳惠敏》
好投入呀!

艾威拍MV《如果我是陳惠敏》
惠敏歌兩杯落肚,一樣咁High。


帶埋酒嚟,飲酒定拍MV o架?


今個月10號,陳惠敏就67歲啦!


陳惠敏喺《打擂台》入面,騷過肌o架!