迫爆索模
只要換上三點式，騷出其得天獨厚的迫爆身材， Carol恍如劇集《飛女正傳》中，蔡少芬由平凡 Yvonne變成索爆 Janet Bin，引死龍友同宅男，更有本事威脅周秀娜。

娛樂頂點

Janet Bin現實版　浸大 E神返學玩變身

2010年05月28日

周秀娜以大玩 3D綽頭搶市，而一班「來勢胸胸」後起之秀中，以寫真新丁 21歲「浸大 E神」 Carol（楊梓瑤）最具實力，不加墊已呈現迫爆漏奶效果，加上皮膚白滑現出微絲血管，給人隨時吹彈得破的感覺，肯定是搶奪宅男荷包的撒手鐧。
不過正如朱咪咪話齋：「如果隨隨便便，仲邊有人俾面！」，所以浸大 E神 Carol一於抄 Janet Bin，返學就收起全副「武裝導彈」，事業線一滴不漏之下，吊晒班浸大男生癮，未嘗唔係水着混戰另類戰術。

唔使咀男人都識變身，方便喎！（設計對白）

短短個多月便火速上位成娜姐勁敵的 Carol，近日頻頻以戰鬥格出席活動，隔空向對手宣戰。面對 o靚模各出奇謀， 34E Carol則以人肉版 3D取勝。「第一次出水着寫真，只係想出本 sell自己最靚嘅一面就夠，況且我副身材已經好有 3D效果，唔使再搞咁多花臣。」
近日在活動「盛放胸前」，但早前記者到浸大等候這位「 E神」放學時，卻想不到做番學生妹的 Carol儼如劇集《飛女正傳》中的 Janet Bin玩變臉，校內校外判若兩人。

封胸四眼妹

本月 14日，在浸大考完試的 Carol，着住件包到上心口嘅鬆身衫，個胸好似失咗蹤，又無化妝兼戴住副厚框眼鏡，完全睇唔出呢位平凡四眼妹，就係近日走勢強勁的「浸大 E神」。

你係邊位呀？（設計對白）

勁到漏奶

因上圍激爆，故每每着泳衣都出現漏奶情況。而視狄娜為偶像的她，跟對方同樣胸懷大志，為要做個有墨水的美女，兩年前堅持要考入大學。「中五畢業後做過兩年時裝 sales，但我唔甘心八千蚊人工，所以決定考入大學，讀多啲書將來做 maketing，當商界女強人。」

目標為本的她，坦言參戰 o靚模寫真亦只為賺取十多萬的學費。

用真名返學

現於浸大修讀人文學系副學士二年級的 Carol，怕 o靚模名氣打亂其學校生活，返學時即刻意將豪乳身材收得密實，加埋戴眼鏡同不施脂粉，簡直難以辨認這位平凡四眼浸大妹，正是近日熱爆 o靚模界的性感女神。為在同學間力圖掩飾她是 o靚模楊梓瑤， Carol說返學會沿用真名楊麗華。「若果唔係近日我啲水着相出報紙頭條，其實呢一年我用真名返學，又打扮到咁樣，無乜同學知我係 o靚模，同埋《美少女廚神》。我絕對唔係校內風頭躉。」在校內要低調，係咪因為校方施壓， Carol即耍手拎頭：「無，只係班主任阿 Sir曾經擔心我會唔會因為全力發展 model事業而中途停學，我向佢保證唔會，一定讀埋兩年到畢業，佢知道我唔係短視嘅人就好放心。」

包包面
唔單止校內校外形象分裂，中學時期的 Carol仲有塊包包面，跟現在差好遠。

瓜子臉
女大十八變，近年成功踢走包包面的她，索好多！

飲魚湯豐胸

自言是靠真材實料打寫真仗的她，現在每日晨早起身跑步 1小時，之後從大圍寓所大堂行二百級樓梯返上 22樓屋企，以保持魔鬼身材。原來兩年前她跟經理人公司「 Starz People」簽下 5年賣身契時，合約訂明 Carol必須保持簽約時的 34E， 24， 33的最佳狀態，否則三圍走樣就屬違約。「我明白公司訂呢個條文，無非都係想我哋做 model要自動自覺 keep fit，迫到我有恆心去 keep。」
Carol更公開她的豐胸秘笈，十足產婦谷奶一樣，日日灌魚湯。「由細到大，媽咪每日都整唔同類型嘅魚俾我做晚餐，同埋煲魚湯俾我飲。我覺得我上圍咁豐滿同呢個飲食習慣有關，因為外婆都係日日要媽咪食魚，所以媽咪身材都好勁。信不信由你，我上網睇過資料，食魚係吸收 omega 3，對個胸豐滿有幫助。」你咁講，好驚你本寫真未售罄，街市啲魚已經斷晒市！

浸大同學撐「 E神」

近日靠天賦身材忽然彈出嘅「浸大 E神」 Carol，喺學校好低調，幾乎係兩個樣，有同學甚至唔為意成日一齊上堂嘅 Carol，原來係近排時常見報嘅 o靚模。

印籍同學愕然

考試後與 Carol一同步出試場的印度籍女同學，被問到可知 Carol係 o靚模，她表現愕然：「完全睇唔出，我冇睇報紙，唔知 o架。」繼而問番身旁嘅 Carol：「乜嘢叫 o靚模？」

男同學：有姿色有學歷

不肯透露姓名的男同學：「早排睇到娛樂 C1頭條爆咗個『浸大 E神』，即刻喺校園尋覓佢讀邊班。如果佢唔係見咗報，都唔為意眼前嘅 Carol就係報紙登嗰個。我都鍾意女仔有姿色有學歷，如果佢出寫真我一定撐。」

女同學：鍾意佢唔化妝

女同學 Man：「 Carol喺學校好低調 o架，唔會話加入咗呢行有乜架子。我都鍾意佢唔化妝嘅樣，幾清純呀。如果佢真係出寫真，我會撐佢嘅。」

撰文：娛樂組　攝影：袁家樂　協力：陳兆基
化妝： Chris　髮型： Cedric Tsang@Nova Salon　泳衣提供： Rush