周杰倫紅館演唱會尾場 與陳奕迅合唱《歲月如歌》

周杰倫(周董)原先今晚喺紅館舉行個唱尾場,不過因為颱風「天兔」襲港,周董提早至今午2時15分開騷。而主辦單位表示只有幾張退票,但即時亦有人後補購票。雖然「天兔」襲港,但無損粉絲熱情,而捧場圈中藝人都唔少,包括周董契爺黃秋生、吳雨霏、李嘉欣、羅力威、陳奕迅(Eason)等,佢哋都冒雨捧場。

原來周董都擔心開唔成騷,佢一出場時就問觀眾:「今天有颱風,你們怕不怕?我就很怕,怕演唱會開不成。」

而當周董演唱《歲月如歌》時,就邀請Eason上台合唱,佢話:「這首歌為你準備,之前Whatsapp Eason叫他教我唱呢首歌。」

之後Eason就上台,佢仲取笑周董:「你啲廣東話好咗咁多,不如搬來香港住啦!」周董就話香港房子太貴,Eason聞言就話:「我有房,你住我囡旁(房間)仲有好大嘅車房。」之後兩人合唱《淘汰》。

期間Eason不停輕撫周董腹肌,仲搞笑話:「我只可以露手臂,露埋額頭,我有好多皺紋,比你多。」

完騷後,觀眾不肯離場,周董再安哥兩曲,至下午4時50分才正式完場,周董仲叮囑觀眾返家時要小心。


周董尾場開騷,同陳奕迅合唱兩曲,Eason仲輕摸周董腹肌。

周杰倫紅館演唱會尾場 與陳奕迅合唱《歲月如歌》
周董契爺黃秋生捧場
周杰倫紅館演唱會尾場 與陳奕迅合唱《歲月如歌》
吳雨霏
周杰倫紅館演唱會尾場 與陳奕迅合唱《歲月如歌》
周董話都擔心颱風關係開唔成騷。
周杰倫紅館演唱會尾場 與陳奕迅合唱《歲月如歌》
現場粉絲high到爆。

陳奕迅扮心心

同周董媽咪葉惠美攬攬

陳奕迅輕摸周董腹肌

兩人甫上台即攬攬,好老友。

陳奕迅話自己皺紋就多。

Eason拜謝周董

周杰倫陳奕迅合唱《歲月如歌》