不倒胸玩大富翁邪走對手
Jeana無綫擲骰露點

【香港書展 2011之真的見證】不倒傳奇何佩瑜（ Jeana）在寫真中狂拋 34C巨乳，無論攤、典、瞓或卧，胸前兩點均力保不失。誰知早前她在無綫節目《潮玩世家》中，居然不慎露點。片段在 mytv任人瀏覽，雖然她極力否認露點，可惜真「的」假不了。

可能是史上最寸 o靚模的何佩瑜，勢估唔到今日會成為話柄。 Jeana早前亮相張繼聰主持的無綫節目《潮玩世家》，與組合 Square玩「大富翁快骰版」遊戲，當日她穿上紫色低胸裙，一如以往在鏡頭前拋胸，好不養眼。

其時輪到 Jeana擲骰子，鏡頭則近鏡捕捉她的胸前，在半秒之間竟發現她的乳頭露出，在定格重溫下，乳頭更無所遁形。結果當日坐 Jeana隔籬的 Gary黑氣冲天，不久便輸到破產， Jeana則擊敗對手成為贏家。

Jeana寫真銷量已過一萬，她大有機會成為今年寫真女王。攝影：仇志德

滑水乳貼走位

Jeana玩大富翁時太過投入，擲骰變擲「的」。電視圖片

對於在節目中露點， Jeana死口不認，她昨在電話中說：「 99%唔會，以前我唔識打底，但自從入行後公司教咗我哋，一定要打底唔可以走光，平時我一定有個打底袋喺身，裏面有 nude bra、乳貼同唔同顏色嘅 bra。我做親嘢都唔會真空上陣，一定會 push up。我更加唔會為咗贏而露點，不過見到點擊率咁高，都抵番！」

Jeana的寫真雖然性感，但沒有露點，想不到她居然在螢幕上失手。

有否試過走光露點？ Jeana表示入行前跟朋友滑水試過，她說：「玩完上嚟除救生衣，唔知裏面件比堅尼移咗位，露晒個乳貼出嚟，好彩只有兩三個朋友喺度，不過其中一個係男仔，唔知佢有冇望到。」

此外，大有機會成為今年寫真女王的 Jeana，日前和同門的余曉彤（ Hidy）開定酒預祝大賣，她昨日透露寫真推出一個星期，銷量已過一萬，出版商要三度加印。書展舉行至昨日， Jeana未有踩場宣傳，死敵許穎（ Phoebe）則成為風頭躉，但 Jeana說：「有啲人覺得我哋唔夠入面勁，但我一啲都唔覺，入面是但點影都多人 o架啦，總之我覺得冇入去完全冇影響。」

無格仔（馬賽克）原圖：