《西遊記》的妖女想食唐僧肉，無綫一班「餓女」就想食「第一筍盤」馬明肉，不過「馬腩」這種肥膩嘢，似乎不是個個都對口味；但「男神」馬明總有些長…處是收收埋埋的。今日就有周刊拍到激凸馬明做封面，嘩，真係睇到嘩嘩聲。剛於內地拍完劇的馬明返港小休，約了友人到石硤尾大坑東球場踢波。一落場，見他腳法不錯，不時有機會帶波同起腳射波。不夠半個鐘，馬明已經憑黃金右腳成功入球喇。
拉筋同落場踢都沒事，誰知一除衫就出事，這副半裸body可以說是一點都不男神。胸肌、腹肌、人魚線、馬甲線，統統欠奉；反而胃腩同豬腩肉就擠了出來，認真嚇人！
唔係喎！你睇吓先，望吓先啦！飲水凸、笑住凸、邊行邊凸，唔使靠演技，馬明成功上演一齣《激凸36小時》，你哋依家知點解一眾「餓女」對呢個筍盤流晒口水啦！
俾你自己揀，你想睇圓圖嘅北半球（即係馬腩），定係南半球（即係big鵰）？
好多年前的廣告look
激凸馬明超持久 踢足全場入埋波
有料唔怕晒，馬明除咗「激凸小馬明」之外，仲有好多其他料嘅，例如技術、持久力同爆發力，講緊踢波咋！
難得唔使拍劇，馬明約埋班波友踢波，估唔到肚腩凸凸嘅佢，腳法都唔錯，不時起腳抽射，仲積極帶波同向隊友示意接波，一啲都「唔hea」架！爆發力就有，咁技術點先？
拿！大家都有眼睇，馬明嘅技術真係唔錯，踢咗唔夠半個鐘就憑黃金右腳入波喇！講到持久度喇喎…跑勻全場，踢足90分鐘氣都唔喘吓，相信一班視佢為「筍盤」嘅女女，呢一刻都心心眼盡現喇！
再加上佢豪邁兼不拘小節，咁多人喺度，都唔介意露腩兼露超茁壯嘅「秘密武器」，「男神」果然係唔同啲架！
評激凸馬明 杏兒笑：冇乜嘢喎
身為「無綫頭號筍盤」，馬明毫不吝嗇喺公眾地方上「凸」下又「凸」，記者搵嚟一班「馬評家」俾吓意見，睇吓「男神」地位仲保唔保得住！點知個個一見到張相就問「邊個嚟」，有冇搞錯啊？「男神」馬明都唔認得！
問到伍詠薇點睇，點知佢一睇到就係咁笑，仲話知道記者想問咩。而同馬明合作過多次嘅胡杏兒亦都猛咁笑，尷尬地謂：「你想我講乜先？」雖然佢把口話「冇乜嘢」，又話「冇激凸」，仲話馬明條褲仔太緊，叫佢下次預鬆啲，但講完都忍唔住笑啦，又點會冇嘢喎！
雖然黃翠如唔肯接受訪問，但係當佢睇到「男神」激凸，即時雙眼發光，差啲連蕭正楠都唔記得咁滯…一班女星睇到笑晒，但一向出名fit到漏嘅王浩信就依依哦哦：「我諗…都算fit丫…」嘩…勉強得你丫！佢仲話馬明如果著返件衫會好啲，天氣凍喎！
問到早前俾人影到同馬明遊車河嘅徐佳琦，佢就一味幫住緋聞男友：「我覺得佢高高大大咁囉，我之前又未見過佢著緊身衫褲，我覺得其實男仔有肚腩都正常嘅，男仔女仔都係啦，你有排可能食多啲，咁多多少少都會有少少肚腩架嘛！」
